Kıpçak küüyündä geçti nasaatın oturuşu, angısında nasaatçılar baktılar soruşu, ne baalı Gagauziyada durumnan hem başkanın kapamasınnan.
Kıpçak küüyün primarı Oleg Garizan oturuşta söledi kendi bakışını, ne baalı Gagauziyada durumnan.
«Bän pek isteerim, ki hepsi bu kabaatlı bulmaklara başkanın olmasın ilişiklii. Umut ederim, ani başkanın advokatları onun pak uurunu göstereceklär. Ama bu devlettä, nicä da başka devletlerdä var daava, prokuror, advokat, bän umut ederim, ani bu devlet uurunda kurumnar, büün yok başka türlü variant problemaların çözülmesindä, onnar kararı kabledeceklär. Pek isteerim inanmaa, ki başkan kabaatlı olmasın»,- Oleg Garizan söledi.
Nasaatın başı Nikolay Baboglo söledi,ani ona danıştılar yaşayannar tekliflän hem deklaraţiyaylan.
«Bizdä Kıpçakta geçti nasaatın oturuşu. İnsannarın hem kimi nasaatçıların teklifinä görä soruşu, ne baalı deklaraţiyanın kabledilmesinnän, Gagauziyada durumnan hem başkanın kapanmasınnan baalı bakmaa»,- Nikolay Baboglo söledi.
Deklaraţiya bakıldı, ama karar onunnan baalı kabledilmedi, çünkü soruş bitkidä açıklandı. O vakıda kadar nasaatçıların lääzımnı sayısı ses vermäk için yoktu.
Moldovanın hem Gagauziyanın en mekalı haberleri GRTnın Telegram kanalında!