Komrat kasabasında geçtilär aramaklar kabel televizionun ofisinda. Taa derindän annadȇr Polina Barbova.
Sabaаylen internet — provayderin ofisina, angısı bulunȇr Komrat kasabasında, geçtilär aaramaklar. Onnarı geçirdilär Fulcer maasuz izmetin temsilcileri. Bunun için haberledi ofisin çorbacısı, baamsız jurnalistika Merkezin öndercisi Stepan Piron: «İsteerim sölemää, ani savaştılar benim oolumu kabatlı bulmaa, ani ödämeer vergileri. Annadȇrım, ani onnar yazdılar firmayı, angısınnan benim olum diil baalı. O bulunȇr başka erdä, başka yaşamak erindä».
Vergi izmetin aaraştırma bakannıın temsilcisi Vadim Tanasov haberledi, ani aaramaklar geçerlär mandata görä, angısı verildi kanona karşı gitmäk işinä audiovizual kodeksinä görä.
«Bizdä var daavanın kararı , geçirmäk için aaramakları. Biz, açan geldik burayı, sizin işçileriniz gördülär, ani geldi polis umannarı, biz iki sıra kapuya urduk. Bakarak Kriminal — Proţesual Kodeksin 128 — ci statyasına, erlim açmarsaydılar kapuları poliţiya uzmannarına, biz tanıştırdık kendimizi, onnar gördülär, biz lääzım maasuz kapuyu kırmaa»,- Vadim Tanasov haberledi.
Vadim Tanasov haberledi Piron Stepana, ani daavacının kararı için var nasıl Çekanı daavaya danışmaa.
Moldovanın hem Gagauziyanın en mekalı haberleri GRTnın Telegram kanalında!