Kazayak küüyün Kultura evindä, literatura-muzika avşamı geçti. Onda pay aldı, Kazayak küüyün anılmış yaradacılık insannarı.
Avşam geçti sıcak, meraklı atmosferada. Gözäl türkülär, şliirlär, annatmalar, nicä başladı yaradacılık yolu, herkezindä o başka, herkezindä o meraklı yol. Yazıcı Olga İvoglo nışannadı, ani büük havezlän paylaştı kendi küüyün yaşayannarınnan, yaradacılıın bir payınnan.
Yazıcı İlya Mandajı seviner, ani insannarın arasında, suumȇr meraklık yaradıcıya, yaradacı insannara.
Kazayak küüyün «Sevda» ansablisinin öndercisi Pelageya Çoban nışannadı, ani bölä yaradacılık avşamı geçirmää vardı fikirdä çoktan. Hazırlanarkan bu olaya, büük iş yapıldı Kzayak küüyün muzeyin, kultura evin, uşak başçelerin hem okulların işçilerinnän, annattı Pelageya Çoban.
Pelageya Çoban nışannadı, ani bu takım olaylar, yardım eder koruma hem ilerletmä Kazayak küüyün yaradacılık zenginniini. Kurucular nışannadılar, ani var plannarda geçirmä bölä olayı her bir yıl.
