Coltay küüyündä geçti serbest güreşmesi respublika turniri, angısı adalıydı yaşamak erini kurucularına.
Serbest güreşmesi Respublika turnirindä pay aldılar 100 zeedä sportçu. Genç güreşçilär geldilär Gagauziyanın türlü yaşamak erlerindän, Pridnestrovye regionundan, Leovo hem Tarakliya rayonnarından. Turnirin katılannarı andılar o insannarı, angıları kurdular bu yaşamak erini, nışannandı MD Şannı treneri Pötr Kambur: «Lääzım saymaa, tutmaa aklımızda kendi evlat boylarımızı, angıların yardımınnan halizdän biz varız, var küü dä. Onun için bän sayȇrım, ani pek dooru ayırılmış turnirin adı — kuruculara, angıları bütünnä kendi yaşamalarını verdilär küüyün ilerlemesi için».
Yarışmalar geçtilär dostluk atmosferada, ama halizdän sport kızgınnıınnan, herbir pay alan savaşardı belli etmää kuvedini, tehnikayı hem da istemesini taramaa, çizgiledi MD Şannı treneri İlya Esir: «Zamandaşta bizdä gözlediler pek büük tendenţiya, giriştirmää deyni uşak sportunu, neredä pay alȇrlar heptän genç güreşçilär 2019 — cu yıldan duumaları. Uşaklar 6-7 yaşında, büün çekederlär göstermää şindän sora güreş kalitesini, harakteri, da bu pek sevindirer, ani bizdä Gagauziyada büük perspektiva, ne baalı serbest güreşmesinnän».
Her yıl turnira katılȇrlar taa zedä genç sportçu, hem çempionnarın sayısı da zedeler. Pay alannar hem da kurucular sayȇrlar hem baş ilderlär o insannara, kim durdu küüyün başında, nışannadı MD serbest güreşmesi çempionu (1982 yılda) Konstantin Keleş: «Bän sevinerim, ani var gelecä, var genç evlat boyaları, var pek perspektiv, becerikli uşaklar, bu sevindirer . Serbest güreşmesindä sport ilerleer, da bu pek sevindirer, ani avtonomiyanın herbir yaşamak erindä ilerleer bu sport çeşiti, angısı bizim Baş bobaların kannarındaydı».
Turnirlär sayılȇrlar yaşamanın bir en büük payı, çizgiledi Komrat sport uşak şkolanın treneri, turnirin davacısı Evgeniy Nedälko: «Turnir pek meraklı uşaklara deyni, onnar için ilk- bu motivaţiya büük sport için. Onnar göstererlär kendi kuvedini, ne onnar yapabilerlär. Kontrol ederlär, neya onnar çok vakıt hazırlandılar, hem da nesoy onnar üürendilär barabar trenerlärlän, ani bu turnir verer onnara şans hem da taa bir adım gelecä için».
Turnirin başarmasında en ii sportçulara verildilär ödülleri hem diplomnarı yaşlara hem kilalara görä.
Moldovanın hem Gagauziyanın en mekalı haberleri GRTnın Telegram kanalında!