Komradın sport stadionunda, noyabrinin 16-da, Moldova futbol çempinatı sınırlarında Liga iki oyunu geçti. Oynadılar «Oguzsport» FK hem «Çimişliya» FK komandaları. Sporcular 14 yaşına kadar. «Oguzsport» FK komandası tarattı. Ama avtonomiyanın küçük sportçuları adadılar, ani gelän sezona taa islää hazırlanacȇklar da kendilerini taa üüsek uurda göstereceklär.
Matçı «Çimişlya» FK komandası taradı. Sayı 3:2. Ama «OguzSport» futbol klubun trenerı Aleksandr Beku haberledi, ani o hem onun oyuncuları yannışlıklarını doorutmak için aktiv işleyeceklär, da gelän yıla enidän Moldova futbol çempinatında kendi kuvetlerini deneyeceklär.
«Biz bu sıra tarattık. Öbür komanda taa kaavi çıktı. Biz savaştık. Ama enseyämedik. Yazık»,- dedi Beku.
«OguzSport» futbol klubun bu komandasında 14 yaşınadan sportçular. Onnarın var potenţialları, söleer trener. Sadece taa biraz zaman lääzım, ki becermeklerini kaavileştirsinnär.
«Var taa bir matç. Herbir oyundan sora çıkışları yapmaa savaşȇrız. Var olan yannışlıklara analiz yapȇrız. Bendän sora onnarı doorutmaa çalışȇrız. Sayȇrım, ani herbir oyundan sora futbolcular taa ii oynamaa başlarsınnar lääzım. İlerdä bizi bekleer üüsek başarılar. Buna büük umudum var»,- ekledi «OguzSport» futbol klubun trenerı .
Bu sezonda «OguzSport» futbol klubun bu komandası Moldovanın üüsek ligasına geçämedi.
«Biz gelän yıla mutlak deneyecez Milli futbol ligasına geçmää»,- söledi Aleksandr Beku.
«OguzSport» futbol klubu 10 yıldan zeedä kendi işini götürer. Bu yılların içindä klub üüsek uurlara çıkabildi. Onun komandaları Milli ligada artık oynȇȇrlar hem islää sonuçları göstererlär.
Avtor: V. Çoban, operator: S. Georgiev, montaj: A.Topal