Gagauziyada sayıya koyulȇrlar kanona karşı olaylar, daaların kesmesindä. Devlet kurumu «Daa çorbacılıı» Komratta güreşer bölä olaylarlan, yapıp büük iş fidannarın dikmesindä.
Bu yıl Gagauziyada sayıya koyulu 20 kanona karşı gitmäk olay, bu yakın 30 skladometra odun, haberledi Devlet kurumu «Daa çorbacılıı» Komratta uzmanı Konstantin Garçu: «Kural gibi, bu insannar, angıları giderlär kanona karşı, çalışȇrlar 2 — 3 kişi, toplȇȇrlar insannardan, nekadar onnara lääzım yakacak. Lääzım olmaydı insannara, ozaman olmaceydılar tekliflär dä. Onnar hızlı işleerlär, aktarȇrlar fidanı, alȇrlar kalın tarafını, attılar avtobusa da gittilär, dallar sa kalȇrlar».
Devlet kurumu «Daa çorbacılıı» Komratta uzmanı Konstanti̇n Garçu danıştı Gagauziyanın yaşayannarına yalvarmaklan, satın almasınnar odunnarı eldän.
«Sade daa çorbacılıında. Komratta daa çorbacılıı verer odun, yazȇr dokumenti, insan gider daya, üükleder, nedän sora evä getirer. Bir skladometra çetin odun 1150 ley eder»,- dedi uzman.
Baba marta ayın 1 – dä çekedecek mi̇llet kampani̇yası fi̇dancıkların di̇kmesi̇ndä. Hükümet plannadı eni̇dän i̇şletti̇rmää 3500 ektar toprak hem di̇kmää 8 mi̇li̇ondan zeedä fi̇dan memleketi̇n 120 erleri̇ndä, devlet kurumu «Daa çorbacılıı» Komratta uzmanı Konstanti̇n Garçu nışannadı: «Millet programasına görä biz lääzım yaşamak erlerindä dikelim 292 ektar. Bütündän giderlär hazırlamak işleri, topraa hazırlȇȇrız, doorudȇrız, süreriz, kökleri çıkarȇrız. Umutlanȇrız, ani programayı yapacez».
Fi̇dannarın di̇kmeleri̇ sayılȇrlar «Поколение леса» programanın bi̇r payı, angısı kararlandı prezi̇dentlän Maya Sanduylan, angısının neeti̇ –10 yılın süresi̇ndä di̇kmää 145 bi̇n ektar daa, nışanandılar hükümettä.
