Komrat muniţipiyasının Kultura evindä çiftçi uzmanarına deyni seminar geçti. Ne annattılar çiftçi çorbacılarına üürendi Natalya Jelezova.
2024-cu yılda Moldovada, bakarak geçän yıllara, 60 bin tondan zeedä meyva toplandı.Seminarın pay alannarı nışannadılar, ani olayda önemni soruşlar kaldırıldılar, baalı tehnologiyalarlan, angıları yıl -yıldan enilenerlär. Gagauziya çiftçilik bakanı Sergey İbrişim urguladı, ani seminarda kolaylık olȇr örnek almaa, ne lääzımnı olȇr çiftçilerin çalışmalarında .
Gösterildi eni mallar, zamadaş tehnologiyalar,eni materiallar,hem materiallar,angıları şan sora kullanılmȇȇrlar. Bu işlär pek lääzımnı.Vakıt tez diişer, çiftçilik uzmannarı dikatlı hem bilgili lääzım olsunnar.Moldova- Fruct kuruluşun uzmanı , professor Valeriy Maznük söledi,ki bu buluşmaklar faydalı, onnarı lääzım taa sıkça hem taa geniştän geçirmää, bilgilerimizlän paylaşmaa.
«Seminar devletin üülen tarafında Komrat kasabasında geçti. Bu zonada, klimota görä, en çok meyvalıklar büüyerlär.Ondan da baktık çiftçilik uzmannarını eni meyva çeşitlerinnän tanıştırmaa».
Bitki çıkışlara görä, yıl -yıldan Moldovada erik,abrikos, kirez meyvaların büütmesi zeedelener.
