Cümnä aktivisti Mihail Vlah büün, iyülün 10-da, Kongazda,neredä yapılȇr GagauziyaLȇnd proekti,brifing geçirdi. Diil çoktan bildirildi,ani proektin işi durgundu bir sıra zorluk beterinä.Cümnä aktivisti açıkladı, neçin onnar peydalandı hem ne yapılȇr,ki ta hızlı onnarı çözmää.
«Hederlez ayın 26-da bizim iniţiativ bölümümüz bu erdä bildirdi, ani toplayacek imzaları dinnenmäk parkın düzülmesi için. Nicä da adadık, biz biz Gagauziyanın hepsi 3 dolayanında bulunduk. Avtonomiyanı herbir küüyünä girdik , hererdä dä ansan bu fikiri ii karşıladı. Bir buçuk ayda 25 bin imzadan topladık. Bu zamanda telefon açtılar hem mesajları yazdılar aşırıda yaşayan vatandaşlarımız»,- söledi cümnä izmetçisi Mihail Vlah.
«GagauziyaLȇnd–halk proekti oldu, neçin zerä o bizim için yapılȇr, uşaklarımız hem unukalarımız için. Gagauziyanın yaşayannarı merkezin yaptıklarını, ne baalı dinnenmäk parkın düzülmesinin durgudulmasınnan kötüleerlär. GagauziyaLand bizä, Gagauziyaya lääzım. Var olan proekti avtonomiyanın herbir aylesi bekleer. Biz başkanımıza Guţul Evgeniyaya 25 bin imza vereriz, ki bilsin, ani tek dinnenmäk parkını regionumuzda hepsi yaşayannar bekleerlär. Bu park diil sade dinnemäk eri-burası geleceemizä investiţiyalar. Burada 100 iş eri açacek, Kongaz küüyü da ilerleyecek. Herkezi, kim imzaları topladı hem imzalarını verdi şükür ederiz»,- ekledi Vlah.
