Gagauziyanın Bakannık komiteti aylelärlän evi almak kanon proektini tutturmadılar. Karar bakannıın oturuşunda kabledildi.
Gagauziyanın Bakannık komitetin oturuşunda bakıldı teklif «Aylelärlän ilk evi almak tutturması için» kanonu, angısını HT deputatı Aleksandr Tarnavskiy teklif etti. Proekt 2024-cü yılın avgust ayında sayıya koyuldu, iniţiativa gibi.
Başkan işleri Bakannıın başı İvan Kolioglo belli etti, ani teklif edili versiyada temel esaba almaklar bakılmadılar, ne için öncä Bakannık komiteti belli ettiydi. Proekttä enidän korundu «genç aylä» annayışı, açan respublika kanonu yaş boyundan atıldı.
Bakannık komiteti teklif etti onu «bildirimi verän-yaşayan, angısının var kredit annaşması «İlk ev» devlet programasına görä diiştirmää. Sonda Bakannık komiteti inkär etti HT-dan gelän dokumenti.
İvan Kolioglo belli etti, ani proekt lääzım çalıştırılsın da enidän geeri çevirilsin.
