Gagauziyanın okullarında ilerleer infrastruktura proektleri, angıları doorudulu üüretmäk proţesini taa üüsek uura kaldırmaa.
Kazayak küüyün liţeyinda düzüler okulun sportzalı, diiştiriler elektrika sisteması hem pollar. Bu işlerä verildi 400 bin ley.
Diana Fazlı Kazayak küüyün liţeyin başı nışannadı: «Sportzalın polu diiştirilmedi 70-ci yıllardan, biz onu her keret tertiplärdik, ama şindiyadan o eskidi. Elbetki, uşaklar raat üürensin deyni, ii koşullarda, biz lääzımdı çözelim bu problemayı. Vardı problema elektrika sistemasınnan da, yakınnarda başaracez bu işi dä, sade kaldı sportzalda».
Bundan kaare, Kazayak küüyün liţeyindä nicä da başka okulların birkaçında, giriştiriler proekt, ki güneş pannelerini koymaa, bu yardım edecek harcanmamış paraları göndermää üüretmäk proţesin ilerlemesinä, GHT deputatı Kazayak küüyündän Aleksandr Dülger nışannadı: «Her yıl okulda olacek ekonomiya 150 bin leya yakın. Taa az elektroenergiya harcanacek, 150 bin, var nicä olacek koymaa onnarı okulun ilerlemesinä doorutmaa hem eniletmää tehnikayı».
Büünkü gündä yısıtmak sisteması diiştiriler Gagauziyanın edi okulunda. Bu işlerä Gagauziyanın bücetından verildi dört million ley. Bundan kaare altı okulda diiştiriler elektrika sisteması, bütünnä proektlerin paası tutȇr iki million ley.
«Edi okulda, neredä şindi gider işlär, yısıtmak sistemasını diiştirmää kısa zamanda savaşȇrız. Biz annȇȇrız, ani var işlär, angılarını lääzım yapma hızlı, suuklar geler. Taa bir iş, ne önümüzä koyduk, diiştirmää elektrika sitemalarını, çünkü onnar bizim okullarımızda eskidilär, lääzım diiştirmää»,- ekledi Kristeva.
Kazayak küüyün liţeyindä 379 uşak üürener .
