Ferapontyevka küüyü 240 yılını nışannadılar. Küüyün yaşayannarını Başkan Evgeniya Guţul kutladı. O belli etti yortunun önemliini hem nekadar lääzımnı büün insan birliktä olsun.
«Ferapontyevkanın yaşayannarını klisä kurbanınnan kutlȇȇrım. Dileerim küü ilerlesin hem büüsün. İnsannar da uslulukta hen annaşmakta yaşasınnar»,- nışannadı başkan.
Halk Topluşu başı Dmitriy Konstantinov paylaştı, ani butakım olaylar cümneyi birleştirer hem regionun ilerlemesinä yardım eder.
«Klisä kurbanı en büük yortu sayılȇr. Sabaalen yaşayannar yortulu liturgiyaya giderlär dua etmää»,- çizgiledi GHT başı.
Ferapontyevkanın primarı Elena Odnostalko nışannadı, ani küülülerin birleşmesini, yortu adetlerin koruması pek önemli
«Bizim küüyümüz büün 240 yıldönümü nışannȇȇr. İnsan bu yortuyu bekläärdi. İsteerim dilemää sevgiyi hem annaşmayı herbir ayleyä, usluluu»,- nışannadı Ferapontyevka küüyün primarı Elena Odnostalko.
Ferapontyevkanın klisesinin popazı Sergiy Zväginţev yortunun kuvedinä inanȇr. Yaşayannara usluluu, sevgiyi, annaşmayı dileer.
«Pek önemli bizim vakıtta insan sevgiyi aralarında yaşatsın. Sade ozaman biz zorlukları enseyecez. İoan Bogoslov yortusunnan hepsini kutlȇȇrım»,- küüyün popazı söledi .
Yaşayannar küüyün gözäl geleceeni isteerlär.
«İoan Bogoslov büük yortusunda bizim küüyümüzün kuruluş günü. İnanȇrım, ani bizi koruyȇr hem bu yortuya sevinerim».
«Bizim küü ilerlesin hem yaşayannarın sayısı zeedelensin isteerim».
«Büünkü gündä yaşayannarımız birleşerlär. Hepsimizä gözäl gelecää hem sevgiyi dileerim».
Ferapontyevka küüyü 1784 yılda kuruldu.
