Komradın primariyasına deyni gidän yıl haliz denemäk oldu, ama eni kolaylıkları da kasabanın ilerlemesinä açtı. Ekonomika hem soţial koşullarına bakmadaan, birkaç önemli proekt oldu kolaylık çalıştırmaa.
Yıl kolay diildi, ama bereketli oldu Komrat kasabasına deyni. Çalışmaklar infrastrukturanın kaaviletmesinä dooruduluydular. Primarın yardımcısının Stepan Karanın laflarına görä, 2024-cü yılda kanalizaţiya kasabada 50% yapıldı, yollar düzüldülär.
«Komratta birkaç büük proekt geliştirildi. Kanalizaţiya Tank Dolayanında, Yalpug derenin günduusu tarafında geçirildi. Park yapıldı Kievskaya sokaanda, Tukanäska dolayanında. Asfalt birkaç yolda döşendi, uşaklar için meydannar yapıldılar»,- Komradın primarın yardımcısı Stepan Kara nışannadı.
Primariya gelän yıla neetli suyu paklamak sistemasını düzmää, geçirmää kanalizaţiyayı hem kaliteli yolları yapmaa. Stepan Kara biler, ani muniţipal nasaatınnan birliktä yaşayannara deyni kasabayı taa komfortlu yapaceklar. Kendi tarafından, nasaatçı İvan Panä, gidän yılı zor gördü, gelän yılı da umutlu.
«Yıl kasabanın yaşıayannarına da zorluklarlan hem diişmeklärlän doluydu. Bana deyni da zor geçti, ama ii bir gelecää inanȇrız»,- nasaatçı İvan Panä söledi.
Nekadar da zor olmasın, insan kasabada gezärkenä gülümseer. İnsan sa gülümsärsä, ozaman käämil gelecää inanȇr. Komradın primariyası hem Nasaatı kasabada kaliteli yaşamayı ilerletmää deyni hepsini yapaceklar, bakmadaan var olan zorluklara, söledilär Dialog v studiyi programasında musaafirlär.
