O vakıt açan insan başlȇȇr yısıtmaa kendi evlerini, sık peydalanȇr habȇrlär türlü hatalı olaylar için, baalı insannarlan kim nesoy sa yaralandı, o üzerä, ani diil dooru yısıtmak tehnikasını kullandı ya sobayı diil dooru yaktı. Bununnan baalı Hatalı olaylar kurumun uzmannarı taa bir sıra haberlerlär yaşayannara baksınar hepsi lääzımnı kuralları açan yısıdȇrlar kendi evlerini.
Gaz kotölların, kolonkaların, elektrika priborların yada sobaların diil dooru kullanılması- heryılkı problema, angısınnan kaarşı gelerlär hatalı olaylar kurumun uzmannarı kendi işindä. Kimi sıra insan en ilin hem önemni kuralları bakmȇȇr, ama onnar var nasıl korusunar onnarı beladan yada yaralanmaktan.
Ruslan Mazurenko, Gagauziyanın hatalı olaylar bakanın ofiţerı, nışannadı: «Şindi geldi en suuk vakıtlar. İnsan savaşȇr yısıtmaa kendi evlerini taa pek. Kullanȇrlar sobaları, kotölları hem başka tertipleri. Lääzım onnarın dooru işlemesini kontrol etmää. Sobanın önündä maasuz er lääzım olsun, nereyi koor düşer. Baca da ii lääzım olsun. Gaz kotöluna da ventiläţiya erini düzmää lääzımn, ki fena gaz olsun nereyi çıksın. Elektrika mallarını lääzım sade tükennerdän satın almaa, sertifikat istemää».
Yaşayannarın çoyu lääzımnı kuralları hem biler, hem kullanȇr.
«Sobalar için hepsini bilerim. 70 yaşındayım. Zadvijkayı diil lääzım bitkiyädän kapamaa. Bu en önemli. Sobacılar da yaparkan sobayı lääzım maasuz erleri yapsınar. O zaman bişey olmayacek».
«Benim sobam başka erdän yakılȇr. Bu korkusuz iş. İçerdän yakarkan var nasıl tütün çıksın, bendä sa dışarı çıkȇr».
«Bizä kontrolcular gelerlär. Onnara inanȇrım. Hiç bir problema bundan yok».
Gagauziyanın hatalı olaylar bakanın uzmannarı nışannȇȇrlar, ki taa ilin korunmaa nekadar kararlamaa problemayı. Onuştan diil lääzım unutmaa hepsi önemni kuralları. 2024-2025 yısıtmak vakıdında statistikaya görä bir dä ölüm baalı yısıtmak sistemasının diil dooru kullanılmasınnan belli edilmedi.
Avtor: L. Novak, operator: G. Stavilov, montaj: A.Topal