Gagauziyanın kimi yaşayannarı finans problemaların beterinä yaz zamnında dinennämeceklär. Onnar sölerlär ani bu yıl evdä kalaceklar, da biraz para arttiraceklar da başka problemaları çözeceklär. Taa derindän süjetimizdä.
Yaz zamanı o vakıt açan uşaklar kanikullarda bulunerlar, analar-bobalar da savaşerlar otpuskada olmaa ki kendi uşaklarınnan vakıdı geçirmää. İnsannarın taa çoyu isteerlär erindeki kurortlarda yada sınır aşırıda bulunan dinnenmek erlerä gitmaa, ki unudulmaz duyguları kabletmää. Avtonomiyanın yaşayannarı annattılar, nicä onnar düşünerlär bu yıl dinnenmää.
“Biz yazın dinnenmeriz, biz işleeriz. Uşaklan denizä gitti, dinnendik. Düşünerim ani naturaya, sdaa içinä çıkacez. Baseynalar açıldılar, orada da vakıdı geçirecez. Bölä kasaba içindä ”
“Bireri otpuskauya gitmää, aylaylan dinnenmää, islää vakıdı geçirmää”
“Sınır aşırıda”
Yaşayannarın çoyuna sıra geler evdä kalmaa yada başka kolaylıkları dinnenmek için aaramaa. Bakmayarak havezä dinnenmää deniz boyunda çoyu ayırer taa ucuz dinnenmeyi.
“İşlemää, neçin ki büünkü gün var problemalar işlän. Aaz öderlär. Da bunun için sıra geler işlemääasma diil dinnenmää”
“Evdä. Ne var nasıl taa sölemää. Yok kolaylık bireri gitmää. Uşaklarlan evdä. Alarsaydılar uşakları ozaman gidecäm ama bölä evdä. Hem iştä ”
“Bu yıl evdä. Bireri gitmeeriz”
“Taa bir ay kaldı da işä lääzım gitmää. İsteeriz bireri gitmää dinnenmää ”
“Bizdä yok vakıt yazın dinnenmää”
Statistika bakannıın haberlerinä görä Moldovanın yaşayannarı aktiv dinenmää sınır aşırıya giderlär. Da yıl- yıldan onnarın sayısı zeedelener. Taa sık moldova vatanadaşları giderlär dinnenmää Türkiya devletinä, Egipeta hem Bulgariyaya.
