Gagauziyanın Bakannık komitetin başının ikinci yardımcısının Petrov Viktorun varlıın bir payını alsınnar var nasıl. Busoy informaţiyayı Korupţiyaya karşı koymak milli kurumu açıkladı. Kararı davaaya yolladılar.
Korupţiyaya karşı gitmäk Milli kurumun saytında belli ediler fakt , ani HT ȇks-deputatın kanona karşı varlıı vardı. Büünkü gündä o Gagauziya Bakannıın komitetin başın yardımcısı.
«İsteerim komentariya yapmaa büünkü haberä, ne baalı Korupţiyaya karşı gitmäk Milli kurumun saytında erleştirili. Aaraştırmaklar bensiz geçirildilär. Beni kimsey bireri çaarmadı. Bän da sizin gibi büün üürendim, ani saklamışım nesoysa milionnarı.Bän bişey saklamadım hem yok ne saklayım»,- Gagauziya Bakannık komiteti başının yardımcısı Viktor Petrov nışannadı.
Korupţiyaya karşı gitmäk Milli kurumun saytında belli ediler, ani kanona karşı varlık 544 bin leyä varmış, varlık taa 2020-2021 yıllarda edenmiş.
«Aaraştırmakların sırasında inspektorlan o istämedi lafetmää, haberleri vermää istämedi, kendi bakışını da açıklamadı. Bu iki çıkış verdi hakı almaa ondan varlıı. Var olan karar var nicä başka davaya yollandırılsın»,- Korupţiyaya karşı gitmäk Milli kurumu bildirdi.
Viktor Petrov belli etti, ani var olan duruma görä başka davaya danışacek.
