Gagauz Erindä «En ii üüredici» konkursu geçiriler. Onun sınırlarında üüredicilär açık dersleri geçirerlär. Yapılȇr bu yabancı okullarda. Butakım üüredicilerin professionallıı belli olȇr. Çünkü onnar lääzım becersinnär dersi üüsek uurda geçirmää, başka üürenicilärlän baalantıyı kursunnr. Onnarın becermeklerini komissiyanın azaları notalȇȇr.
Rumın dili hem literaturası predmetindä açık dersi M.Tuzlov adına liţeyinin 4-cü klasında S.Zlatovçena geçirdi. O N.Çebanov adına gimnaziyasında işleer. Dersin süresindä üürenicilär eni lafları üürendilär, cümlä kurmaa çalıştılar hem dä tekstlän tanıştılar. Bundan kaarä onnar türlü interaktiv sınışlarını da yaptılar. Üüredici bakmayarak ona, ani bu klasta seftä dersi geçirer hızlı uşaklarlan herbir lafı buldu hem dä kendi professionallıını üüsek uurda gösterdi.
Elena Paçi Kongaz küüyün T.Zanet adına liţeyindä muzika terbietmesi üüredicisi işleer. Konkursun sınırlarında açık dersi Kirsovo küüyünün M.Tuzlov adına liţeyindä geçirdi. Onun yardımınnan üürenicilär muzikanın gözelliini annadılar, ritmaları tutmaa üürendilär hem dä üürediciylän birliktä bir melodiyayı çaldılar.
Natalya Donçeva, englez dili üüredicisi. O Komradın S.Demirel adına gimnaziyasında işleer. Açık dersi Komradın D.Kara Çoban adına liţeyindä, 6-cı klasta geçirdi. Tema: «Hayvannar dünnesi». Üüürenicilär aktiv pay aldılar derstä. Onnar türlü sınışları havezlän yaptılar. Englez dilindä bilgilerini kaavileştirdilär, laf zebelliklerini zenginnettilär.
Hepsi açık dersleri komisiyanın azaları notalȇr.
Gagauz Erindä «En ii üüredicisi» konkursu 18-ci keret geçiriler. Pay alȇr 24 üüredici.11 — başlankı klaslar üüredicisi hem dä 13 — gimnaziya, liţey ţiklaları üüredicilär.
