Komrat kasabasının «Masalcık» 9-cu uşak başçasında bu yılın içindä remont işleri yapının yısıdılmasında hem yısıtmak sistemasının enilenmesindä yapıldılar. Proekt MD-dä migraţiya Halkalararsı kurumun hem MD Üüsek Bakannıın cenktän kaçannarın işlerindä ОON agentstvosunun yardmınnan geliştirildi.
Komradın «Masalcık» 9-cu uşak başçasında yapıda sıcaan korunması için proekt geliştirildi. Kurumun duvarları dışanından penoplastlan kaplanıldılar, iç hem dış kapuları koyuldular, 9-cu uşak başçasının başı Anna Kroytor söledi: «2023-cü yılda, kasım ayında dual gazı için 180 bin ley ödediydik. Bu yılın kasım ayı için– 120 bin ley, 60 binä taa az. Bundan kaarä geçän yıl bu vakıt yaslaya 120 uşak gelärdi, bu yıl– 173 uşak. Taa çok uşak gezer, taa az hastalanȇrlar».
«Masalcık» 9-cu uşak başçasının dışanını yısıtmak materialınnan kaplamasına 900 bin leydän zeedä harcandı. Örtünün yısıdılmasına, dört grupada hem administraţiya odalarında radiatorların diiştirilmesinä 800 bin ley harcandı», söledi Komradın primarı Sergey Anastasov.
«Üüsek Bakannıı cenktän kaçannarın işlerindä ОON kamisariatın sıradakı proekti – bu uşak başçasının bir payın yısıdılmasına finanslar etişmedilär. Onnar da geldilär – 1 мln. ley. Yaslanın yısıdılmasınnan harçlar da azaldılar»,- söledi Komradın primarı Sergey Anastasov .
«Biz örtüyü yısıtmak materialınnan kapladık. Duvarlar kaplanıldılar, yısıtmak sisteması diiştirildi, iç hem dış kapuları koyuldular. Yaslada sıcak oldu»,- ekledi Anna Kroytor.
Proek geliştirildi Üüsek Bakannıı cenktän kaçannarın işlerindä MD ОON agentstvosunun yardmınnan, söledi kurumun temsilcisi Ann-Mari Doyçlander: «Bizim birliktä çalışmamız üüsek başarları belli eder. Diil hükümet kurumnarın, erindeki kuvetlerin yardımınnan var olan işi başardık. Birliktä geleceemizä kolaylıkarı verelim, ki herbir uşak ii koşullarda büüyabilsin».
MD migraţiya Halkalararsı kurumun başı Ȇster Ruis DE Asua urguladı, ani uşak baçasında koşullar şindi taa islää oldular.
«Uşaklar, kurumun çalışannarı, analar-bobalar üüretmeyä taa ii koşulları kablettilär. Bu proekt erindeki kuvetlerä parayı yısıtmak zamanında korudacek»,- nışannadı MD migraţiya Halkalararsı kurumun başı Ȇster Ruis de Asua.
Yapının kuytulanması yaslanın uşaklarına hem çalışannarına deyni komfortlu koşulları verer, söleerlär proektin çalışannarı. Komradın «Masalcık» 9-cu uşak başçasına 250 uşak gezer. Bu günä onnar üüredicilerinnän birliktä yortulu programayı hazırladılar.
