Komradın erindeki kuvetlär neetlerlär giriştirmää autsorsing doyurmak sistemasını.Bu iniţiativanın dolayında peydalandı çok soruş erindeki kuvetlerin temsilcilerindä.
Komrat muniţipal nasaatın temsilcisi İvan Panä çıktı iniţiativaylan, ki nasaatın oturuşunda kaldırılsın soruş kasabanın uşak başçalarında eni doyurmak sistemasını kullanmaa.Proektä görä doyurmayı geçirecek ekonomika agenti,angısı alacȇk üstünä hepsi ükü doyurmaa hepsi uşakları kasabanın yaslalarında autsorsing sistemaya görä. İvan Panä haberledi,ani bu üzerä toplanıldı bu yaslalarında terbi edilän uşakların ana-bobalarından imzalar.
«Biz haberleyecez imzaların çıkışları için, angıları kayıl hem diil kayıl bu işlän hepsi uşak başçalardan. Hepsi yaslalar şansora verdilär imza listelerini muniţipal nasaatçıya,angısı cuvaplı bu iş için»,- İvan Panä haberledi.
Komrat muniţipal nasaatın başı Georgiy Vlah urguladı,ani ana-bobaların bakışları eni doyurmak sistemasında esaba alınacȇklar.
«Biz kabledecez kararı da belli edecez günü , açan geçecek açık seslemeklär . Biz teklif edecez hepsi uşak başçaların öndercilerini, ana-bobaları hem Komradın yaşayannarını, angıları bu soruşa ilişikli»,- Vlah urguladı.
Kompaniya alȇr kendi üstünä uşak doyurmasını, angısı cuvap edecek saalıı korumak ministerliin normalarına. Kompaniyanın temsilcileri sayȇrlar, ani autsorsing sisteması illenedecek uşak başçaların hem primariyanın işini. Komrat kasabasında 8 uşak başçası çalışȇȇr.
