Valkaneş dolayında yaşayan yufka kolaylıklarlan uşakları Eni Yıl yortularınnnan kutladı Gagauziya Başkanı Evgeniya Guţul. Herbir uşak kabletti tatlı baaşışları.
Valkaneş dolayında yaşayan yufka kolaylıklarlan uşaklar için hazırlandı programa, angısının süresindä onnar buluştular masal kahramannarınnan, Ayaz dädususunnan, Kaarcazkaylan. Uşakların anaları- bobaları nışannadılar, ani herbir yortu önemni herbir ayleya.
«Benim bakışıma görä, bu pek önemni yufka kolaylıklarlan uşaklarımız için, hem bizä, analara. Biz yıllarlan onnarlan bolniţalarda, sanatoriyalarda. Bu önemni, uşaklar çıkêrlar insan arasına hem biz dä. Biz geçti yılda geldik, bu pek sevindirer bizi».
«Bizim uşaklarımıza deyni bu nicä bur taazä soluk, bir damna sevinmelik, angısını biz yakışêr onnara verelim bölä yortularda».
«Uşaklar için hepsi yortular lääzımnı, ayırı yufka kolaylıklarlan uşaklara. Lääzım taa sıkça bunnarı yapmaa, geçirmää, onnar da duyêrlar kendilerini lääzımnı, onnarı düşünerlär, hem onnarı bilerlär».
Uşakları gelän Eni yıl yortularınnan kutladı Gagauziya başkanı Evgeniya Guţul. Onun laflarına görä, uşaklara lääzım yortular yapılsınnar, çünkü onnar çok duygu vererlär.
«Çok mutluklan gelerim, buluşȇrım uşaklarlan, onnarın analarınnan-bobalarınnan. Biz barabar geçireriz Eski yılı da karşılȇêrız Eni yılı.Biz her zaman bölä zor vakıtlarda da islää vakıtlarda da olacez bilä aylelärlän, angılarına lääzım taa çok bizim yardımımız»,- kutladı Gagauziya başkanı.
Yortunun sonunda hepsi uşaklara verildi tatlı baaşışlar.
