Ferapontyevka küüyün kurbanı uşak yortusunnan başarıldı. Parkın meydanında uşaklar ana — bobalarlan toplandılar.
Uşaklara deyni batutlar bayırcıklarını, animaţiya kuklalarını, tatlılıkları Başkan Evgeniya Guţul hazırladı. Kurucular oyunnarı hem yarışmakları geçirdilär. Taa büük uşaklar master-klaslarda pay aldılar. Hem nesoy yortu tatlılıksız, uşakları tatlılıklarlan, şekerli vataylan konukladılar, annattı Ferapontyevka küüyün primarı Elena Odnostalko.
«Primariya Başkannan birerdä uşaklarımıza deyni ayırı yortuyu hazırladı. Başkan batutları, konkursları, animaţiyayı, baaşışları hazırladı»,- nışannadı primar.
Butakım olaylar dostluk durumunu kurȇrlar. Yaradarkan, oynaarkana şennenärken uşaklar yortuyu duyȇrlar.
«Bu yortu yılda bir sıra bakılȇr. Yaşayannar onu bekleerlär, ki küülülärlän buluşmaa. İnsan birleşer hem zamanı birliktä geçirer. Biz savaşȇrız hepsini yapmaa, ki avtonomiyanın herbir yaşamak erin yaşayannarı zorlukları duymasınnar»,- çizgiledi başkan Evgeniya Guţul.