Kazayak küüyündä çalışêr uşaklar için merkez.Okuldan sora onnar gelerlär burayı ki vakıdı faydalı geçirmää.
Üüredicilär yardım ederlär uşaklara okul daavalarını yapmaa, yaradıcılık derslerini geçirerlär, imää barabar yapêrlar. Uşaklar burasını severlär.
«Biz bırda oynêêrız, imää yapêrız. Biz yapêrız pek çok el işlerini».
«Biz burada oynêêrız, imää yapêrız, bän buluşêrım dostlarımnan».
«Bän burayı gezerim, neçin deyni biz burada urokları yapêrız, da evdä bän var nicä yardım edim mamuma, tätüma, burada pek islää üüredicilär».
Kazayak küüyündä merkezin yaradıcılık üüredicisi Polina Terzi nışannadı, ani önemni neet onda, ani kurmaa uşaklara sıcak dostlu atmosferayı, ki onnardan herbiri kendisini nicä evdä duysun.
«Çok dikkatlık veriler yaradıcılık uuruna. Uşaklar yapêrlar türlü gözäl işleri, resimnerlär hem türlü enilikleri üürenerlär. Şindi onnar Kolada için türlü gözäl işleri yapȇrlar»,- Polina Terzi nışannadı.
Hep ölä dä burada hepsicii imää yapmaa severlär. Bölä bitki derstä uşaklar hazırladılar tatlı evceezleri, gösterip kendi becermeklerini. Onnarlan burada işledi volontör Evelin. Dekabr ayın 26-dan -28- nädän bu merkezdä geçecek Eni yıl lageri. Teklif edilerlär burayı uşaklar 8-dän -14 yaşına kadar. Olacek türlü master -klaslar, oyunnar hem çok türlü sürprizlär.
