Moldova devleti altıncı sıra katıldı halklarası ultramarafona «RUBICON – 2025». Kaçıncıları gözletti bizim televizion grupamız.
Üç günün süresindä ultramarafonun «RUBICON – 2025» pay alannarı kaçtılar 300 kilometradan zeedä. Marafon Buharest – Kişinöv geçärdi iki devletlerin aralarında, neredä katılannar için geçtilär buluşmaklar. Sportçuların laflarına görä, herbirindä kendi neeti vardı, ki katılmaa yarışmaklara.
«İlk sıra kaçȇrım. İlk dokuz ȇtapları kaçtım, dinnenmedik, bu yakın 91 kilometra. Sora bän yaptım bir geçä, üç saat dinnendim, taa bir gün. Yakın 170 kilometra. Hem te şindi yaptım iki ȇtap altışar kilometra».
Marafonun kurucusu, hep o Moldova devletin Üüretmäk Ministerliin temsilcisi Nikolay Harabadjı, hep ölä denedi kendi küvetini, olup ultramarafonun «RUBICON – 2025» pay alanı.
«İki ȇtap kaçtım, ayaklarım şindän sora titirerlär, denecäm şindän sora finalda. Sanȇrım, ani hepsi islä olacak»,- Nikolay Harabadjı nışannadı.
Gagauz avtonomiyası karşıladı marafonun pay alannarını Komratta, Kongazda hem Kirsovo küüyündä.
«Diil ilk sıra katılȇrım bölä toplantılara. Bän her zaman katılȇrım bu marafona, angıları burada geçerlär – bu bir işlä iş bakmaa deyni kuvedini. Bu meraklı bir becermek, pek meraklı gözletmää bunu».
«Biz kararladık bakmaa deyni kuvetlerimizi, o üzerä, ani biz spotçu. Bizä nicä sportçulara, söyleyecez, ani diildi zor, ama kolaydı. Meraklı becermek, hem ani bu gecä. Bu bir pek islä kolaylıktı, bakmaa deyni kuvedini».
Yıl – yıldan «Rubicon» marafonun pay alannarın sayısı zeedelener.
Avtorlar: P. Barbova, Z. Kanţır, montaj: M. Kazaku
Moldovanın hem Gagauziyanın en mekalı haberleri GRTnın Telegram kanalında!