Tütün mallarını kontrol etmäk kanon proekti için parlamenttä dartışmaklar vardı. Onu yazdı Saalı korumak ministerlii, çok soruş onun için peydalandı Parlamenttä. Cümnä konsultaţiyaların süresindä proektin avtorları habeledilär, ani dokument lääzım Evropa Birliin Direktivalarına cuvap etsin.
Cümnä konsultaţiayaları tütünün kontrol etmesi kanon proekti için geçirildilär Saalı korumak hem aylä Parlament komissiyasının azalarınnan. Topluşun süresindä proektin avtorları Saalıı — Korumaa ministerlindän haberledilär, ani dokument doorudulu yaşayannarın saalıkların koruması için, may alez gençlerin.
«Bizim Moldova devletimizdä her yıl yakın 60 insan öler o üzerä, ani tütünü hem nikotin kullanȇrlar. Bu 6 bin olay, angılarını var nasıl durgutmaa. Bakarak bitki aaraştırmaklara görä 3 kişi — 10- dan sayılȇrlar aktiv tütün kullanıcıları. Ama en büük problema, angısı bizi dalgalandırȇr — üüseldi genç olannarın sayısı, angıları kullanȇrlar nikotinı»,- Saalı korumak ministerliin başın yardımcısı genel sekretari Svetlana Nikolaesku söledi.
Statistikaya görä her yıl Moldova devletindä yakın 60 insan öler o üzerä, ani tütünü hem nikotinı kullanȇrlar . Hep ölä kanon proekti zapeder paraların iisilmesini tütün malların hepsi kategoriyalarına. Bakarak dokumentä, neetleniler cezaların üüselmesi tütün mallarını satması için vatandaşlara, angılarıtamannamadılar 18 yaşını. Kendi sırasından Saalıı korumak hem aylä Parlament komissiyasının viţȇ — öndercisi Vladimir Odnostalko haberledi, ani kanon lääzım korusun, ilk — bu tütünü çekmennerin haklarını.
«Bu proekttä yok o, ne söledilär uzmannar ministerliktän — uşakların koruması. Zamandaşta, üürenicilär, angısının yarısı kızlar, peremenalarda yapıların içindä yapȇrlar bunu bol — bol, nicä onnar isteerlär. Ne için onnar bunu yapȇrlar? Biz şindi hepsimiz seçeriz yasak için. Onnar bitereceklär mi. Hiç bir zaman bu olmayacek. Lääzım programalar olsunnar, bunun için bizdä var profilaktika fondu»,- Saalıı korumak hem aylä Parlament komissiyasının viţȇ — öndercisi Vladimir Odnostalko nışannadı.
Saalıı korumak hem aylä Parlament komissiyası öndercisi Adrian Belıy nışannadı, ani komisiya akţent yapȇr insannarın saalıklarına.
«Bakarak büünkü oturuşa, bän kendim için yaptım karar, bu çıkışlar bakılaceklar taa komisiyaylan, da komisiya verecek kendi cevabını hem da çıkışı ondan sora, nezaman hepsi çekilecek. Bakılmaklar geçeceklär gelän oturuşta , ki bitki — bitkiya olsun lääzımnı hem faydalı iş hepsimiz için»,- Saalıı korumak hem aylä Parlament komissiyasının öndercisi Adrian Belıy çizgiledi.
Gagauziyanın yaşayannarından biz üürendik onnarın bakışlarını eni kanon proektı için tütünün kontrol etmesindä hem da sayȇrlar mı onnar bunu önemli.
«Bän türtün çekerim, ama bu pek duyulȇr cobümdä».
«Ȇlektron sigaralarını lääzım zapetmää».
«Nekadar taa zedä zapederlär, okadar taa zedä başka olȇr».
«Bän hiç içmeerim, hepsinä bunu isteerim sölemää, sıbıtsınnar sigarayı.Ȇlektron sigaraları — bu zihir».
«Beni bu dolaştırȇr. Bän gidärkän sokakta, önümdä kimsä gidärsäydi da sigara çekärsäydilär , tütün bana geler, kendimi islä duymȇȇrım».
«Bän nereyi lääzım gidiim. Gösterin makar ki bir eri , neredä bän lääzım tütün cekim. Gösterin bana, da bän kalkacam da orada çekecäm».
«Bän kendim içmeerim, başkalarına da bunu adamȇȇrım. Bu kötü tabieti bu iş durgutmayacek».
Kanon proekti bakılacek parlamentin komisiyalarında, nedän sora o seçilecek kanondakı bölümündä.
