May ayın 15-şindä Ayoz Afanasiy günündä Etuliya küüyü kendi kurbanını nışannadı hem 214-cü yıldönümünü yaşamak erin kurulmasından.
Kurban yortusu Etuliya küüyün yaşayannarı için çeketti çannarın ötmesindän. Sabaaylendän Ayoz Afanasiy adına kliseya geldi üzlän inanıcı, ki duva etmää kendi yakın insannarın saalıkları için hem küüyün gelecää için. Klisä izmetçisi Rostislav Daruşin nışanandı, ani bu yortuların en önemniisi Etuliya yaşayannarı için. İlk haberlär Etuliya küüyü için istoriya dokuemntlerdä peydalandılar 1810-1820- ci yıllarda, angıları toplu «Гагаузы Бендерского Уезда» kiyadında, angısın avtoru Valentin Moşkov. O üürendi gagauzların adetlerini, bulunarak Etuliya küüyündä dä. İlk klisä küüyüdä odundandı da yapıldı 1811-ci yılda. İlkin kurban yortusunu yortulardılar Ayoz Mariyanın günündä. Ama 20-ci asirin çeketmesindä küü başı Födor Manzul çekeder eski klisenin dolayında yapmaa eni bir kliseyi. Ozamandan kurban yortusu bakılȇr Ayoz Afanasiyin günündä may ayın 15-şindä. 1946-cı yılda klisä kapandı, ama onu enidän düzmää çekettilär 1986- ci yılda.
Moldovanın hem Gagauziyanın en mekalı haberleri GRTnın Telegram kanalında!