MD başladı operaţiya, angısı doorudulu transport araçlarında aydınnatmak sistemaların bozukluu belli edilmesinä yada aydınnatmak için kullanılan başka sistemaların bulmasına.
Bu olay doorudulu transport araçlarında aydınnatmak sistemaların bozukluu yada kanona karşı kullanılan aydınnatma sistemaların kullanması belli etmesinä, çizgiledi «Yug» bakannıın Komrat-Çadır-Lunga patrul izmetin baş inspektoru İvan Jeçkov.
«Transport kullanıcıları, angıları kendi araçlarına kanona uymayan lampaları koydular, onnarın arasında ksenon hem biksenon lampaları. Bu transport kullanıcıları cezalanaceklar. Hep ölä belli edecez o saabileri dä, angılarının araçlarında aydınnatmak problemneri var, geeriki yada ilerki şavklar yanmȇȇrlar, onnar da MD kanonnarına görä cezalanaceklar»,- çizgiledi İvan Jeçkov.
Güz zamanında pek sık yaamur, tuman hem lüzgerli havalar olȇrlar. Bölä havalarda transportun aydınnatmak sistemaları mutlaka düzülü olsunnar lääzım, nışannadı İvan Jeçkov.
«Transport kullanıcıları lääzım kontrol etsinnär, ani transport aracı bozuk olmasın , aydınnatmak sisteması dooru olsun, sade bundan sora evdän yola çıkmaa lääzım»,- nışannadı İvan Jeçkov.
«Yug» bakannıın Komrat-Çadır-Lunga patrul izmetin baş inspektoru teklif etti transport kullanıcılarına taa dikkat olsunnar.
