LIVE

TARAYIŞ HALKLARARASI KONKURSUNDA 

Taramak Halklararası konkursunda Yaponiyada – o büük başarılar, nicä üüreniciya Daniil Boykova, ölä da Komradın D. Savastin adına uşak resim okulun üüredicilerinä deyni. Daniil Gran-pri ödülünü «Bütün dünnä uşak yaradıcılıı yarışmasında» kazandı.

«Bütün dünnä uşak yaradıcılıı yarışmasında» resimcilik incäzanaatında Yaponiyada gran-pri Daniil Boykova hem Komradın uşak resim okulun çalışannarına getirdi. Daniil geçän yıl  resim okulunu başardı, büün o Rusiyanın üüsek üüretmäk kurumnda üürener. 

«Büün üürendim, ani resimin «Hayduklar» , angısı yazdım resim okulun üürenicisi olarak, Yaponiyanın sergisindä en büük ödülü almış. Resim okuluna başarıları hem eni tarayışları dileerim»,- dedi Daniil.

«Yarışmaya Yaponiyaya 40 resim yolladık. Gran-pri resim için «Hayduklar» Daniil aldı. Bu ödül ona gözäl bir tarayış bütün yaşamasına kalacek.  Hodullanȇrım, açan bizim üürenicilerimiz baaşışlı erleri alȇrlar Halklararası konkurslarında»,-  nışannadı Sergey Savastin.

«Bu konkursta 3000 pay alandan zeedä yarıştı. Gran-pri  ikiydi bu konkursa, onnardan da biri – bizim. Açan üürenicin ilk olȇr Halklararası yarışmasında, belli sevindirer»,- söledi Vitaliy Manjul.

2025-ci yılda D. Savastin adına resim okulun terbiedenneri «Dostlaşȇr dünnenin uşakları» dokuzuncu Halklararası uşak resim konkursun  tarayıcıları oldular. 

«Çoban Sabina büüklär arasında diri yazmakta ilk eri kazandı. Bu konkursta 30 devletän yakın 10 bin resimä katıldı. Bizim uşaklarımız neredä da pay almasınnar, hererdä tarayıcı çıkȇrlar. hodullanȇrım uşaklarımızın başarlarınnan»,- açıkladı Savastin.

«Benim işin «Dostlaşȇr dünnenin uşakları» Halklararası resim yarışmasında Belarusiyada pay aldı. Bän ikinci eri kazandım. Kendi istediimä görä, şişeyä oynamak oyununu  resimnedim.  Yarışmaklarad biz sıkça  pay alȇrız, göstermää dä gagauz kulturamızı savaşȇrız»,- sayȇr Mariya.

Komradın D.Savastin adına uşak resim okulunda resim yaradıcılıında 400 uşak üürener. Onnarın çıkışları üüseek bilgili üüredicilerin dersleri. 

video
play-sharp-fill

Moldovanın hem Gagauziyanın en mekalı  haberleri GRTnın Telegram kanalında!

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Похожие новости

Подписаться на нас в соцсетях

Топ Читаемых

Выбор Редакции