Cümnä İmek malları kontrol etmäk Millet Agentstvosunun haberlerinä görä, 10 pınardan 7 — sindä Moldova dervletindä su kirli. Bölä suyun kullanması var nasıl getirsin hastalıklara. Baurçu küüyündä suylan baalı probleması uzanȇr şindän sora 20 yıldan zedä, o pek dalgalandırȇr yaşayannarı. Bitki analızlerin habelerinä görä, angısını geçirdi Cümnä İmek malları kontrol etmäk Millet Agentstvosu, yaşamak erin 85% pınarlarda suyun kalitesi uymȇȇr normalara. Erli kuvetlär şindän sora diil bir gün, nicä kaldırȇrlar bu problemayı.
Baurçu küüyündä var 100 zeedä pınar, da sade kimi onnardan suyu var nasıl kullanmaa imäk hem içmäk için, çizgiledi primar Sergey Tukan: «İçmäk suyu bizdä pınarlarda da, ne var büünkü günnär küüyüdä, olmaz kullanmaa. Bitki sıra, açan ANSA kurumu aldı analizleri, bana geler, ani sade iki pınarda islä su. Suylan bizdä pek büük problema».
Baurçu küüyündä su trubaları eni, ama iki skvajina taa Sovet zamanından, da saade onnarın birisindä suyu var nasıl kullanmaa. Üç uşak başçası için suyu satın alȇrlar Çadır — Lunga kasabasından, nışannadı Sergey Tukan: «Skvajınanın birisindä su ölä — bölä, ikncisindä sä kimi sıra çikȇr yaa, suda kötü kokusu. Büün, açarkana krannarı, küüyün yaşayannarı duyȇrlar bu çirkin kokuyu, su sayılȇr diil kullanmak için. İçmäk suyu sade bir büvetta».
Baurçu küüyün yaşayannarına lääzım ya satın almaa içmäk suyunu Çadır — Lunga kasabasından, yada getirmää onu büvettän.
«Su, angısı geler bizä skvajınadan, uymȇr lääzımnı normalara görä, neçinki ilk — pek çirkin kokȇr, ikinci da — suyun içindä var nasil olsunnar ne soysa gübür parçaları — bu ne biz göreriz. Su kendi kendisinä kara».
«Suda vbar yabancı koku. Kullanȇrız nesoy varç Biz bu suyu içmeriz, kullanȇrız evin dolayında».
«Su, nicä survatka, yok nasıl suratını ikayasın, hiç bakamȇrsın ona. Nekadar yıl bu problema çekiler sizin yaşamak erinizdä? Taa çeketmesindän, çeketmesindän beeri çekiler».
Primariyanın uzmannarı yazdılar proekt, yapmaa deyni taa bir skvajina içmäk suyu için. Proekt — smeta dokumentleri hazır, ama lääzım iki million ley proektin çekettirilmesi için, ama bu paralar primariyada yok, çizgileer primar Sergey Tukan: «Onun için biz savaştık hem da yazdık, bekleriz cevabı Yaponiyanın tarafından,Kusanonadan. Sanȇrım, ani sponsorlar yardımcı olaceklar çözmää bu büük problemayı bizim küüyülülär için».
Zamandaşta Baurçu küüyündä yaşȇȇr yakın 6 bin insan.
Moldovanın hem Gagauziyanın en mekalı haberleri GRTnın Telegram kanalında!