Kasım ayın 21 — dä çoyu devletlerdä nışannandı halklararası tütünsüz günü. O doorudulu haberlemää, neyä var nasıl getirsin tütün içmesi, nesoy o belli eder insanın saalında hem ȇkologiya uurunda, hep ölä tutturmaa o insannarı, angıları isteerlär atılma bu kötü beladan. Taa derindän durum için Moldova devletindä annadȇr Polina Barbova.
Her yıl tütünün çekmesindän ölerlär millionarlan insan, o vakıt, açan atılmak ondan var nasıl yaşamayı uzaltsın, kaavileştirsin onun koşullarını, nışannȇȇrlar uzmannar. Bu yıl halklararası tütündän atılmak günü geçirildi bölä slogannan, nicä: «Solu serbest — ayır yaşamayı tütünsün» , neçinki zamandaşta tütün çekän insannarın sayısı yakın 75% kurȇr, çizgiledi Komrat kasabasının cümnä saalıı korumak merkezin uzmanı Ȇlidiya Kıssa: «Tütün sayılȇr en önemli faktor çoyu hastalıklarda, nicä: bronhit, beyaz cer aar hastalıklarında hem da rak beyaz cerlerindä. Hepsi bunnar baalı tutünnän».
Dünnä tütünsüz günü — bu bir şans ki insannar annasınnar, ani kendi saalıın koruması için hem da gelecää için lääzım düşünmää, çizgiledi Komrat kasabasının cümnä saalı korumak merkezin uzmanı Ȇlidiya Kıssa.
«Nekadar kötü bu hepsi sigaralar, bakmadaan ona, nesoy onnar — ȇlektron mı, kalyan mı, osa klasik sigarası mı. Onnar korkunçlu , çünkü tütünü çekennär kendilerindän karä, onnar zarar getirerlär yanında bulunan insannara da, angıların saalıklarında tütün taa kötü belli eder»,- çizgiledi Komrat kasabasının cümnä saalıı korumak merkezin uzmanı Ȇlidiya Kıssa.
Dünnä tütünsüz günündä geçirilerlär haberlemäk toplantıları, lekţiyalar, akţiyalar, angılarında uzmannar pay olȇrlar kendi nasatlarınnan, nicä güreşmää tütün çekmesinnän.
