Valkaneşin yaradıcılık evindä «Renkli paun» çevresi çalışȇr. Вu dernektä uşaklar renkli kiyattan hem plastilindän unikal resimneri yapȇrlar. Torţevanie-tehnika, neredä ufak tombarlaklara çevirdiynän kiyatçıkları yada plastilini var olan kiyatta resimi renkleerlär. Bu incäzanaat kırnaklıı, dayanıklıı hem yaradıcılıı ilerleder.
Torţevanie tehnikasında «Renkli paun» çevresinin pay alannarı kiyattan resimnerin yaradılmasını eni tehnikalarını üürenerlär. Kompoziţiyalar başkalanȇrlar, onnar tematikalı var hem yortulu. İş seçili resimdän çekeder, angısına kiyat yada plastilin yapışȇr, söleer üüredici Yuliya Popoviç.
«Şindi bizdä güz zamanı. Uşaklar güz temasına resimneri yapȇrlar. Uşaklar, angıları ilk yıl gelerlär, kabakları, zontikleri yapȇrlar. İkinci yıl gelennär-mantarları, üçüncü yıl-kirpileri»,- annattı üüredici.
Torţevanie incäzanaatı ufak motorikayı çalıştırȇr, dikkatlıı hem dayanıklıı uşaklarda ilerleder. Yaradıcı sınışlar fikiri çalıştırȇr. Derneklerä uşaklar 6-12 yaşında gezerlär. Bütündän yaradıcılık evindä 3 bölük çalışȇr.
«Bu boy, angısı torţevanie tehnikasınnan meraklanȇrlar. O motorikayı, çalışkannıı çalıştırȇr, taman ne etmeer bizim zamandaş uşaklarımıza»,- sayȇr Üliya.
Çoyu uşaklara deyni torţevaniye dernää – diil sade sevgili zanaat, o kolaylık kendi yaradıcılık individuallıını açıklamaa.
«Torţevanie tehnikasını beenerim. Şindi güz temasına resimi yapȇrım. Bu mantara olacek».
«Bu da torţevanie tehnikası, sade plastilinnän. Bän plastilini küçük tombarlaklara çevirderim da resimä yapıştırȇrım».
«Dernää ilk yıl gezerim. Zontii yaptım, kaldı sapını hem damnaları yapmaa».
«Çevreyä ikinci yıl gezerim. Torţevanie tehnikasını ayırdım, çünkü sevdim onu. Zontii yaptım, balonu, şindi da mantarı yapȇrım».
«Renkli paun» torţevanie tehnikasında dernää Valkaneşin yaradıcılık evindä 8-ci yıl çalışȇr.
