Ana trafına sevgi, insannara hatır hem işi sevmäk — bunnar özel kalitelär, angılarınnan yaşêêr Svetloe küüyündä Vasilisa Fofanova.
Kimsä brakıp evini gider, islää yaşamayı aaramaa, ama kimsa kalêr Ana topraanda bütün yaşamasına. Svetloe küüyün yaşayanı Vasilisa Fofanova o insannardan birisi, kim ayırdı kendi evini, topraanı bakmayarak hepsi zorluklalara. Küçüktän o islää üürenärdi okulda, pek ii bilärdi alman dilini. Okuldan sora anası-bobası yolladılar onu Belţı institutuna üürenmää.
«Yolladılar beni Belţıya, instituda. Gittim orayı üürenmää girmää. O zaman 20 kişi bir erä kandidattı. Elbetki, bän korktum da geldim evä. Etiştim, da yattım uyumaa. Sabaalen anam deer:»Gel, bizim üüredicimiz uyêêr, evä dönmüş», — dedi Vasilisa.
Sora o başardı tehnikumu küüdä, üürendi Kişinövdakı çiftçilik institutunda, üüretti da, ama 2001-cu yıldan şindiki vakıda kadar çalışêr sekretar hem kadralar uurunda uzman bir kurumda.
Vasilisa Fofanova büüttü 4 uşak, onda 8 unuka hem 4 praunuka. Hepsi onnar Rusiyada. Buna bakmayarak, Vasilisa Stepanovna küüdä kalêr.
«Neçin ki severim kendi küüyümü, beenerim kendi dostlarımı, kendi işimi. Akılımda da yok çıkmas buradan. Bän büün da var nicä gidiim uşaklarıma, ama kısa vakıda»,- dedi o.
Küülü karı, angısı bütün yaşamasını aylesinä, işä hem ana topranaa baaşladı — bir ii örnek herbirinä. Açan var dinnenmek vakıdı Vasilisa Fofanova siireder: «Melodramaları, haberleri. GRT kanalında en ilkin, var nicä sizin hepsi götürücüleri sıralıım»,- nışannadı Vasilisa.
Çalışkannık, cuvapçılık, ayleyi sevmäk hem Ana topraana hatır gütmäk — bunnar baş kalitelär bu karıda, ne taa bir keret gösterer, ani haliz kısmeti var nicä bulmaa herbir iştä.
Moldovanın hem Gagauziyanın en mekalı haberleri GRTnın Telegram kanalında!