Kazayak küüyündä geçti sambo yaraşması. Burada pay aldılar sportçular Moldovanın türlü yaşamak erlerindän: Komrattan,Kauldan, Çimişliyadan, Valkaneştän,Leovadan hem başka. Bu heryılkı turnir yardım eder sambo sport çeşitini gençlerin arasında ilerletmää.
Yarışmaya geldilär sportçular, angıları diil sade gösterdilär kendi becermeklerini, ama güreştilär ilk erlär için. Sambo onnara deyni diil sade sport bölümü, ama o verer kolaylık kaaviletmää hem göstermää kendini.
«Benim adım Saşa, ayırdım bu sportu, neçinki sayȇrım, ani bu en ii sport, ne var bizdä, angısınnan biz lääzım zanaatlanalım, ki olmaa taa kaavi, hem göstermää kendini küüdä, kendi başarlarımızı bu uurlarda.
«Benim adım Bogdan, büün geldim ilk eri almaa, güreşerim 3 yıl, var birinci, ikinci erlär».
Trener hem turniri kurucuların birisi Pötr Uzun nışannadı, ani bu yıl sambo yarışması geçirlener artık 25-ci keret.
«Pay alȇrlar komandalar Komrattan, Çeşmäküündän, Vaklaneş, Leova,Kantemir, Kagul kasabalarından hem Kazayaktan. 85 uşak güreşerlär. Hazırladık medali, gramota uşaklara, вырезать..Hepsinä dua ederim saalık, kısmet, cenk olmasın, ortalık uslansın»,- dedi trener.
Kazayak küüyün primarı Grigoriy Kior urguladı,ani bölä turnirlär çok fayda getirerlär diil sadece sport uurunda, ama ölä dä cümnenin kurulmasında. Olaya geldi Halk topluşu deputatı Aleksandr Dülger. O söledi,ani bu yarışmaklar devletin sport yaşamasının bir payı, hem maasuz burada belli olêrlar eni talantlar.
«Bu önemni, bizim uşaklar gözäl güreşerlär, bizim sport okulundan çıktı büük onemni kişilär,çempionnar, büük güreş yarışmalarda, halklar arası, Evropada, bütün dünnedä, вырезать Pek islää çıkışlar»,- sayȇr deputat.
Onemni,ani Moldovada Vengriya devletin Büük elçisı yardımcısı verdi Kazayak küüyün sambo sportçularına eni güreşmäk giimnerini. Turnirin sonuçlarına görä en ii güreşçilär kablettilär medalileri.
Avtor: A. Karapirä, operator hem montaj: L. Arfanos.