Moldova hükümeti çeketti kompaniyayi „Şafkı arttırmaa- taa aaz ödemää” adlan, angısı baalı harçları hem energoresursları arttırmaa hem aazaltmaa. Energetika ministerliin haberlerinä görä bu iniţiativa verer rekomendaţiyaları energiya kullanmasının optimizaţiyasında da olȇr hükümetin zaametinnän energetika korumak sferasında bir payınnan.
Energetikada ministerlii barabar kaavi energetikada milli merkezlän verdilär rekomendaţiyaları nicä aazaltmaa energetika sferasında harçları. İnsana nasaat ediler taa aaz şafk harcamaa, kontrol etmää sobaları hem trubaları kaplamaa. Hep ölä veriler rekomendaţiya şafkları sündürmää hem taa aaz su hem sıcaa harcamaa.
Şoferlar da lääzım yavaş gezsinnär, ki dizel yakacaa taa az harcasınnar. İnsannar hükümet iniţiativasına başka- başka bakȇrlar, söleyip, ani arttırmaa çekettilär taa ileri. Ki arttırmaa şafklar kullanmasında insan aazaldȇr onun kullanmasını. Çoyu onnardan söleerlär, ani sündürerlär hepsi ev tehnikasını, açan onu kullanmȇȇrlar hem da taa sık şafkları sündürerlär.
«Düşünerim, ani insan buna negativ bakȇr, neçinki paalar hepbir kalkȇrlar energoresurslara, imek mallarına. Yaşamanın uuru sa kalkmȇȇr. İnsana zor yaşamaa».
«Bän bu işlerä, angıları için söleerlär, inanmȇȇrım».
«Biz kendimiz ekonomiya yapȇrız, eer bunu yapmarsaydık, alamacam kendimä dudak boyasını. Bän herzaman arttırȇrım gazda, suda, hepsindä».
«Elbetki, arttırmaa lääzım. Hepsini dooru yapmaa. Eer görärsäydin, ani insan kranı açtı da unudȇr kapamaa yada şafkı tuşturȇr da gecä- gündüz yanȇr. Bu diil dooru. Bu nezamansa bitecek».
«Nicä dä hepsi insan, ekonomiya yapȇrız, neçinki durum zor devletimizdä. Hepsinä zor».
«Hepsi paalı- Arttırȇrızsınız mı suyu, şafkı. Bunu yapamȇȇrız. Aylemizdä dört kişi, herbirindä kendi lääızmnıkları var, yok nasıl arttırmaa.
«Neya ekonomiya yapmaa? Pensiya iki buçuk bin ley taa da arttırmaa. Ne olacȇk?»
«Onnar geçerlär saatlara görä sayıcıların koymasına hem da ödemeklär da ayırı- ayırı olaceklar. Ama bu bişey vermeyecek. Bakarak nicä insan fukaarä yaşȇȇr, bu kurtarmayacek».
«Lääzım üürenmää ekonomiya yapmaa, neçinki er altında zenginniklär da iisiler. Eer ekonomiya yaparsaydık, ozaman taa ucuz olacek».
Kuvetlär danışȇrlar insana da yalvarȇrlar taa aaz kullansınnar izmetleri, ki çok harçlar olmasın. Veriler nasaat şafkı kullanmaa taa faydalı, ama en aaz sabaa saatlarında saat altıdan saat onadan hem avşamnen saat altıdan saat onbirädän. Dekabr ayın ilk dekadasında gözledildi elektorenergiyanın taa zeedä kullanması. Bu 15 proţendä taa çok, nekadar bıldır vardı. Getirderiz aklınıza, ani dekabrinin 16-dan Moldovada haberlendi hatalı durumu 60 günä.
