İyünün 25-dä GHT oturuşun geçti. Deputatlar bir saatan zeedä üüsek-üüsek seslärlän türlü temalara çekiştilär. Oturuşun sırasında 8 soruş lääzımdı bakılsın.
Oturuşun çeketmesindä deputatlar seslerinnän bitki soruşu çıkardılar. O baalıydı Kultura hem Sport bakannıın çıkış işlerinnän. Deputat Nikolay Dudoglo teklif etti oturuşun soruşlarına Gagauziyada üüsek kvalifikaţiyalı sportsmennerä Merkezi.
«Sport internatını btirdiktän sora, sportsmennär 18 –är yaşında yok neredä sport uurunda kendilerini ilerletsinnär. Bunun için biz onnara okul isteeriz açmaa. Neçin bu soruşu HT-da soruşu kaldırȇrız?bakannık komitetindän soruş geçärsä, siz bilersiniz, nicä onu esaba alaceklar. Bunun için kolegalarımı yalvarȇrım seslerini versinnär» — GHT deputatı Ni̇kolay Dudoglo sayȇr
Teklif için 15 deputat ellerini kaldırdılar.
«İdeya islää. Bizim sportsmennerimiz halizdän isteerlär ilerlemää sportta. Bizim olsa kolaylıımız sportsmenneri hazırlamak okulunu açmaa, olacek islää kolaylık bizim regiona deyni. Bitki-bitkiya, uşaklar bizdä kalaceklar»- Gençlik hem sport bakannıın başı Väçeslav Dragoy sayȇr.
«İdeya islää. Ama bän sayȇrım, ani bu soruşa yavaş-yavaş lääzım yaklaşmaa. Burda finans tarafı var. Söz sırasında biz büün yok nicä 1,5-2 mln. ley adayalım. Sayȇrım, ani iktän kanon teklifinnän lääzımdı çıkmaa, sora hepsi komisiyaları geçmää»- Gençlik, sport hem turizma soruşlarında komisiya başı Vladi̇mi̇r Kissa sayȇr.
Nikolay Dudoglunun bakışına görä, er Vladimir Kıssanın teklifinä görä iş yapılırsa, bu proekt aslıya çıkmayacek.
«Sade HT kararınnan sport okulu var nicä Bakannık komitetinä hazırlayıp polojeniyayı doorutsunnar, okulu finanslamaa deyni»- GHT deputatı Ni̇kolay Dudoglo sayȇr.
Kendi bakışını bu soruşa başkanın yardımcısı İlya Uzun kendi bakışını açıkladı.
«Bän sayȇrım, ani Nikolay Harlampieviç kanon iniţiativasınnan ilktän çıksın da HT onu açıklasın»- Bakannık komitetin başın ilk yardımcısı İlya Uzun sayȇr.
«Bitki vakıt hepsi paralar Komratta sport uuruna verilärdilär. Dooru olaceydı sport profesional okulunu Valkaneşttä açmaa. 5-6 mln. ley yılda stimil kasabanın büdjetinä paraları vermää olacek. Butakım Valkaneşi bizä yakınnaştıracez»- GHT deputatı Ni̇kolay İvançuk sayȇr
Nicä belli etti Nikolay Dudoglo, 35 sportsmen Komrattan Valkaneşä geçirmää ȇkonomiyayı yapmayacek. Soruşun açıklanması bişeyä getirmedi. Deputatların çoyu salondan çıktılar.
