Millet kultura günündä Moldova Prezidenti Maya Sandu başladı devlet ödüllerini anılmış literatura, incä zanaat, muzika hem teatru zametçilerinä. Yortulu baaşışlamak olayı «Gala premiilor culturii — 2024» geçti devlet rezidenţiyasında. «Orden de onare» ödülünnän baaşışlandı anılmış gagauzn yazıcısı Todur Zanet.
Moldova Prezidenti Maya Sandu nışannadı kulturanın önemliini, en paalı köprü gibi evlat boyların aralarında hem da şükür etti kultura zametçilerini onnarın diil kolay, ama pek önemni işleri için milletin önündä.
«Kultura — en paalı köprü, bu canın saalı hem da bizim adetlerimiz. Herbir yaratma, türkü, oyun yada peet annadȇr Moldova istoriyasını. Ama 2025 — ci yıl, angısı adalı Mihay Ȇmineskuya, verecek kolaylıı enidän okumaa peetleri, angıları doorudȇrlar bizi milletin sevdasına hem da rumın dilin gözelliinä», -çizgiledi MD Prezidenti Maya Sandu.
Lääzım hodullanmaa kendi kulturamızlan, ilerledelim onu hem da yaşattıralım her günü, nışannadı memleketin öndercisi. Çok yılların süresindä büük kuvet koymak için literatura ilerlemesindä «De Оnоare» ödülünnän baaşışlandı anılmış gagauz yazıcısı, akademik Todur Zanet: «Sürpriz gibi oldu bu baaşışlamak,maasuz Moldovanın hem Rumıniyanın yazıcısının Mihay Ȇmineskunın duuma günündä, hep ölä Millet kulturanın günündä bu baaşışı, bu hep okadar saymak, bezbelli, benim yaptıklarım için, yada benin yartmalarım için. Bilmeerim hiç, nesoy sölemää. Hiç maasuz duygular yoktu. Sade şükür etmäk duyguları».
Yazıcı nışannadı, ani onda ileri dooru da olacek kuvet, istemäk hem da havez yaratmaa, varkan meraklı auditoriya, angısı sever onun yaratmalarını. Bu yazıcının Todur Zanetın ilk ödülü diil, taa ileri akademik kabletti «Gloria Munсii» ödülünü.
