Büün,oktäbri ayın 20 – dä, bütünnä Moldova devletindä Prezident seçimneri hem Devlet Konstituţiya Referendumu geçer. Nicä yaşayannar Komrat kasabasının 36/4 bölümündä seçim proţesindä pay alȇrlar, üürendi bizim televizion grupamız.
Seçimnär Komrat kasabasının 36/4 seçim bölümündä geçerlär yanışlıksız, nışannadı seçim büronun başı Mariya Tomaylı.
«Gagauziyanın yaşayannarı kendi seslerini vererlär ii yaşamak için»,-dedi Mariya.
İnsannar kendi bakışını açıkladılar hm ne beleerlär bu seçimnerin sonuçunda.
«Biz seçeriz diişilmeklär için Moldova devletindä. Sanȇrız, ani bu sefer bizdä var pek islää şans, hepsi islää olacȇk».
«İslää yaşamak için. Bekleersiniz mi diişilmekleri? Pek çok bekleeriz» .
«İslää yaşamak için. Umutlanȇrız, ani taa ii olacȇk yaşamak, nekadar büün».
«Diişilmeklär taa ii yaşamak için olsunnar».
«Usluluk için dünnedä».
«Torumnarın geleceyi için, torumnarın uşakları için, uşaklar için, ki olsun dünnedä usluluk».
Büün, oktäbri ayın 20 – dä, Moldova devletindä geçerlär Prezident seçimneri hem konstituţiya referendumu.
«Lääzım çikmaa seçimnerä, elbetki».
«Hepsi lääzım çiksınnar, da kendi lafını sölesinnär, ki yaşamak diişsin islää tarafa.Pek zor bölä yaşamaa,pek zor».
«Elbetki, lääzım çikmaa seçimnerä, lääzım kendi sesini belli etmää. Vermää sesini esaplı, işçi kandidat için, devlet için, usluluk için».
