Gagauz dilini üürenmää isteyennär M.Maruneviç adına BAM danışsınnar yakışȇrlar. Mart ayın 14-dän başlȇȇrlar kurslar A1 uurunda. Bu vakıdadan, amma isteyennär taa yakışȇrlar danışmaklarını versinnär.
Gagauziya M.Maruneviç adına BAM gagauz dili üürenmesi kursları 3 yıl geeri başladılar. Kurslar meraklandırdılar diil sade Gagauziya hem Moldova yaşayannarını, ama yabancı devletlerin yaşayannarını da.
«Her yılın,en az, 4 grupa toplȇȇrız A1-dän B2 uuruna kadar biz vereriz kurslarımızı. Kurslar veriler parasız. Hepsi büük insannar hem da uşaklara 5-ci klastan taa üüseklerä , angıları gagauz dilini üürenmää isteerlär BAM var nicä danışsınnar da cuumaya kadar yazılsınnar da katılsınnar bu grupaya»,- annattı İrina Konstantinova.
Gagauz dili üürenmesi kurslrı halklararası standartlarına görä BAM uzmannarınınnan işledildilär hem bilim cümnesininnän üüsek uurda notalandılar, nışannadı İrina Konstantinova: «İsteeriz hepsindä kolaylık olsun zamannara görä yapmaa. Bizim üüredicilerimiz pasobiyalara görä, angılarını biz 3 yıl geeri Evropa standartlarına görä çıkardık, dersleri gecirerlär A1-C2 uuruna kadar o kiyatlara görä. var hem iş tevteri hem üüretmäk tefteri, angılarına görä uroklar geçirilerlär».
Büünkü gündä kurulȇrlar üüretmäk grupaları A1,A2, B1,B2 uurlarına deyni. Kurslar onlain formatında geçirilerlär.
«Şindiya kadar 15 danışmak topladı, amma isteeriz taa çok toplamaa ki bizim üüredicilerimiz küçük grupalara dersleri vermesinnär. en az 20 kişi toplansın lääzım, 30 kişi da biz, elbet, bekleeriz . Geçän grupalara bakarsak isteerim sölemää, ani en az 30 kişi toplanȇr. Hepsi, her gün katılamȇȇrlar, amma 20-25 kişi her gün katılȇrlar, o da bizim üüredicilerimiz için pek islää ki, aralarında dialog olsun. Onlayn format verer kolaylık evdän çıkmadaan insannara bir saat otursunnar kompüter karşısında da alsınnar o kursları. Biz 3 sever aftada dersleri onlayn vereriz, amma taa 2 gün üürenicilär lääzım kendileri iş tefterinä görä dersleri üürensinnär. 72 saadın içindä bu kurslar başarılsınnar lääzım»,- açıkladı Konstantinova.
Gagauz dili üürenmesi kurslarına katılmaa isteyennär BAM elektron adresinä gagauzbilim@hotmail.com danışmaklarını yollasınnar yakışȇrlar. İlk urok onlain formatında mardın 14-dä geçecek.
Avtor: A. Terzi, operator: S. Georgiev, montaj: İ. Rezuneţ
Moldovanın hem Gagauziyanın en mekalı haberleri GRTnın Telegram kanalında!