Özel resim sergisini türlü tehnikalarda genç resimciyka Lübov Brumm Valkaneşttän Komratta fevralin 7-dä K.Atatürk adına bibliotekasında açtı. Bu onun 3-cü sergisi. Lübov Brumm Valkaneşin resim okulunda üüredici işleer hem «Gagauz Art» yaradıcılık toplumun pay alanı.
İlk özel sergisini Komratta resimciyka Valkaneş kasabasından Lübov Brumm açtı. Ȇkspoziţiyada 22 resim temsil ediler: yaalı, tempera, akril, akvarel sergiyi donkladılar. Lübov kendi resimnerindä dolay naturayı, özelliklän çiçekleri, halk süjetleri gösterer.
«Büük diapozon gösterili. Resimnär 2005-ci yıldan, on yıllık resimnär var, geçän yıldan çok işlerim burada. Benim yaratmalarım inceli canımı açıklȇȇrlar hem büük sevgimi naturaya açıklȇȇrlar, gagauz halkın ȇtnik özelliklerini»,- dedi resimci.
«Gagauz Art» yaradıcılık toplumun yaşamasında Lübov Brumm aktiv pay alȇr. Butakım sergilär göstererlär, ani erindeki talantlar kablederlär kolaylıı kendileri için sölemää, söledi resimci Pötr Fazlı: «Resimcinin işlerindä dalgalanmaklar, havezi gözlediler resimnemäk vakıdında. Sevgi çiçeklerä, naturaya, halkımızın tradiţiyalarına gözlediler».
Serginin musaafirleri resimcinin öoktaraflı talantını, becermeklerini belli ettilär. Herbir yaratma tehnikayı çizgileer, derin ȇmoţiyaları ne baalı naturaylan, duuma erin yaşamasınnan hem kulturasınnan.
«Resimnerdä inceli bakış gözlediler. İşlerdä millet koloriti belli. Resimnär insanı mutlaka durgudȇrlar. kutlȇȇrım sizi».
«Yaratmalar dalagalandırȇrlar. Sevgi käämil dolaylara resimcinin işlerindä dikkatlıı çeker».
Serginin açılışında Lübov Brumm şükür etti hepsini, kim onu yaradıcılık yolunda tutturdu hem ȇkspoziţiyanın önemliini belli etti.
