Nicä solerlär, bir yıl kırda kaçıracan, çok ekmek kaybedecän. Onun için bizim çitçilär savaşȇrlar vakıtça toplamaa bereketleri ambarlara.
Çiftçi corbacılık başları söleerlär,ani bu yıl kuraklıın beterinä kabledeceklär taa isik bereket. Bu yıl ilk grupanın bereketi kaldı küçük. Agrariyalar savaşȇrlar bitki yıllarda kullanmaa eni tehnologiyaları, ki tutmaa neemnii toprakta, çünkü kuraklık getirer büük kayıplara.
Çiftçilär nışannȇȇrlar, ani bölä durum oldu, çünkü kışın çok kaar yaamadı, ilkyazın sa yoktu yaamurlar. Çiftçilär yapȇrlar hepsi lääzımnı işleri, kullanma beslimleri, ama kuraklık için çoyu işlär boşa çıkȇȇr. Taa bir problema o iisik paa, angısınnan yakışamıcek çevirmää geeri parayı, angısı harcandı boodayların ekinmesinä hem işlemesinä. Büünkü günä, nicä solerlar ekspertlar, yaamaasıydı büük yaamurlar bereketlerin ikinci grupası da var nicä kayıp olsun yada iisik bereket toplanacek.
