Kongaz küüyündä insannar aktiv çıkȇrlar seçimnerä, gelerlär vermää kendi seslerini aylelärlän, söledi seçim büronun başı Födor Gaydarji. O çizgiledi, ani bu yıl insan taa aktiv pay alȇr seçimnerdä. Bizim televizion grupamız sordu insannara, neçin verdilär kendi seslerini.
Kongaz küüyündä 36/49 seçim bürosunda 2 bin 534 seçici sayıya koyulu. Nicä urguladı seçim bürosunun başı Födor Gaydarcı bu saada seçimnerä çıktı taa çok insan, nekadar geçän bitki seçimnerdä. Karşıladılar büün te onnarı da kim ilk keret pay aldı seçim proţesindä. Hem hep ölä mobil gruppa gitti o insannara, kimin yok kolaylıkları kendileri seçim dolaylarına gelsinnär.
İnsannar, angıları yaptılar kendi borcunu devletin önündä, açıkladılar, ani isteerlär, ki devlettä olsun usluluk, ilerlesin ekonomika, uşaklar kalsınnar evdä, kendi aylererin yanında işlesinnär.
Kongaz küüyündä Prezident seçimnerindä hem devlet referendumda açılı 4 seçim bölümü, angıları kapanaceklar saat 9 avşanmeen.