Kongazda VI Halklararası serbest güreşmesi «Кongaz Kubo» turniri geçti. Yarışmaklarda 23 коmandayı 173 güreşçi temsil etti.
Kongazın uşak sport okulun güreşçileri serbest güreşmesi Halklararsı turnirindä 10 çeki kategoriyasında 9 çempion medalisini hem 1 bronzayı aldılar.
«Güreşmeyi severim, sport uurunda o bana deyni birinci erdä durȇr. Bän taramak için işledim da taradım».
«Bän iki güreşmeyi geçirdim. Birindä taradım, birindä tarattım».
«Tarattım, ama yok bişey. Önemli pay almak».
Serbest güreşmesini hazırladı hem geçirdi Kongaz küüyün uşak sport okulu.
«Bizä 23 komanda geldi. Sportçuların toplam sayısı 173 kişi. Hepsici taramaa isteerlär. Biz dä çocuklarımızın ii güreşmesini isteeriz»,- Kongaz uşak sport okulun direktoru Dmitriy Esir nışannadı.
Halkalarası serbest güreşmesi çempionatı genç sportçulara eni üürenmäk yılında ilk. Leovo kasabasından komandayı 5 sportçu temsil etti. Trener Mihail Lupaşko çempionatın üüser uurda geçirilmesini belli etti.
«Тurnir pek üüsek uurda geçti. 180-än uşaa kaplamak – o çok.kimi çeki kategoriyalarında 30-ar pay alan vardı. Meraklı buluşmaklar geçtilär»,- serbest güreşmesi trenerı Leovodan söledi.
«Кongazın kuboo» serbest güreşmesi çempionatında genç sportçular Moldovanın çoyu erlerindän pay aldılar.
«Nekadar taa çok yarışmak uşaklara deyni geçirilecek, okadar taa çok onnar üüreneceklär»,- serbest güreşmesi treneri, Tomay küüyündän Dmitriy Babov annattı.
«Кongaz Kuboo» yarışmanın tarayıcıları medalilärlän hem paraylan ödüllendilär.
Avtor: S. Dimitroglo, montaj: М. Кazaku