Aprelin 12-dä Komratta Poliţiya izmeti yapısının önündä miting geçti. Buraya avtonomiyanın türlü küülerindän kasabalarından yaşayannar toplandılar.
Avtonomiyanın yaşayannarı açıkladılar, ani pensiyaları etişmeer, paralarını arttıramȇȇrlar.
«Beş bin etişmeer. Bän dä, kocam da hastayız».
«Bu durum dalgalandırȇr. Pensionerim. Bu kıştan pek zor çıktım».
GHT deputatı Aaleksandr Dülger söledi, ani finans yardımı için maasuz annaşmak kuruldu. Onu Başkan Moskovada imzaladı.
«Bu annaşmayı GHT deputatları bir sestä kablettilär. Geçennerdä davaa bu kararı kuvettän çıkardı. Ama hepsi bu paralar — bu bir yardım bizim insannarımıza deyni. Şindi listelerä zavalı pensionerları yazȇrlar. Onnara ölä da zor. Onnar yok neredän 25 bin ödesinnär. 25 bindän 37,5 binädän ceza koyȇrlar bizim insannara o davaa içinä görä»,- urguladı deputat.
Aprеlin 10-da Poliţiya izmetindä haberledilär, ani listelerdä 140 vatandaş var. Hem, ani şüpelenerlär, ki onnar kanona aykırı para kablettilär.
Moldovanın hem Gagauziyanın en mekalı haberleriGRTnın Telegram kanalında!