Baurçi küüyün gimnaziyası eni kompyuter klasın açılmasında proektini çalıştırdı. Oda okulun üürenicilerinä hem küüyün yaşayannarına deyni kararlı.
Üüretmäk kurumnarın enilenmesinin programasına görä, Baurçi küüyün gimnaziyasında eni kompyuter odasını açaceklar. Eni oborudovaniye – eni kompyuterlär kaavi proţesorlarlan, kaliteli monitorlarlan, ne lääzım üürenmeyä. «Proekt – büük adım şkolaya hem cümneyä deyni. Üüretmäk kurumun administraţiyası havezlän üşaklara hem yaşayannara XXI asirin tehnologiyalarını becermää kullanmaa yardım eder»,- çizgiledi gimnaziyanın başın yardımcısı Marina Yalancı.
«11 monoblok hem interaktiv panelini aldık. Uşaklar zamandaş kompyuter odasında lääzım çalışsınnar. Sade böleliklän onnarın interaktiv becermeklerä ilerleyeceklär»,- ekledi Mariya.
Okulun kompyuter odasında interaktiv taftası olacek, kuvetli internet-ne üürenicilerä, üüredicilerä onlayn resurslarını hem üüretim programalarını yardım edeceklär kullanmaa.
««Gagauz korafları» proektin çerçevesindä geliştirdik programayı. Onu «Speransa» ana-boba cümnä kurumu tutturdular. Proektin paayı 148 bin ley»,- sayȇr üüredici.
Оborudovanieyi «Gagauz korafların» tutturmasınnan alındı. Küüyün primariyası kontribuţiyayı 49 bin leyä verdi.
«Коmpyuterları ȇkonomika agentleri olur kullansınnar, küülülerimiz, kimin zoru kompyuterin kullanmasında var. Burada olacek üüredici, o da yardım edecek internedi, kompyuterı kullanmaa»,- söledi primar Sergey Tukan.
Kompyuter odasını gimnaziyanın administraţiyası eni yılın çeketmesindä düşünerlär çalıştırmaa.
Avtor: S.Dimitroglo, operator: S. Georgiev, montaj: İ. Rezuneţ