Komrat kasabasında M. Çakir adına kolecında başarıldı proekt, angısına görä kolecda studentlär hem üüredicilär için eni koşullar kuruldu. O iki yılın süresindä giriştirildi. Yardımcı bu iştä oldu Moldova Üüretmäk ministerlii, finans yardımını verdi Dünnä Bangı.
Proekt geliştirlensin deyni, üürenicilär hem üüredicilär çalışmalarını üüseltsinnär, kolecin uzmannarı hem kuvetlerin temsilcileri birliktä çalıştılar, nışannadı M.Çakir adına kolec öndercisi Mari̇ya Tanasovi̇ç.
«Proektin paayı yakın 8 mln. ley, angısının kolayınnan biz koledcda koşulları ta ii yaptık. Matematika klaslarını düzdük,interaktiv tablolarını, komputerleri hem printerleri aldık.Hep ölä maasuz laboratoriyaları muzika hem uşak başçaların uzmannarına deyni açtık»,- nışannadı Mariya Tanasoviç.
Proektä görä kolec düzüldü. Bu verecek kolaylık üüretmäk proţesini taa üüsek uura çıkarmaa da hazırlamaa uzmannarı, angıları Moldova devletindä hem aşırıda çalışaceklar hem zanaatlar sorumnu olaceklar, söledi M.Çakir adına kolecin başın yardımcısı Alöna Glavçeva.
«Proektin baş davası-kolecda Halkar arası tehnologiyalarına görä koşulları kurmaa. Taa üüsek uura üürenicilerin bilgilerini kaldırmaa»,- nışannadı Alöna Glavçeva.
Proektin geliştirilmesi oldu Moldova üüretmäk hem araştırmak ministerliin yardımınnan,nışannadı ministerliin başı Si̇lvi̇u Gınku: «Biz inançlıyız sizä. Teklif ederiz finans kolaylıklarını,bileriz, ani burada üüsek uurda çalışmaklar giderlär. İsteerim açıklayım ,ani diil hepsi üüretmäk kurumnarında bölä üüsek uur var hem bölä kolaylıklar».
Geçän yıl M.Çakir adına kolecı Moldovanın 40 kolecin arasında reytigta 4-cä eri kazandı, açıkladı GHT deputatı.
«Sizin kollektiviniz — bu proektin canı. Onun var kalbi hem büük bilgileri. Bu adam -İgor Slavikoviç Guseynov,onun hatırınnan Komrat kasabasında çok proekt geliştirildi,nışannȇȇrım ,ani parasız çalışȇr»,- Aleksandr Tarnavskiy söledi.
M.Çakir adına koleci 1991-ci yıldan çalışȇr. Bu vakıt kurumda 647 üürenici var hem 91 üüredici çalışȇr.
