Her yılkı para toplanmasını hem hepsi harcamakları için haberleri gösterdi Kıpçak küüyün klisä protoiereyi Vitaliy Zelinski.
Bu dokumenttä açık gösterili hepsi paralar, belli, neredän onnar gelerlär hem neyä harcanêrlar. Hep ölä dä gösterili işlär, angıları yapıldılar 2024-cü yılda. Bıldır klisenin düzülmesinä toplandı 3 million 440 bin 76 ley. Hepsi paralar düzdürtmäk işlerinä dooruldular, bölä başarıldı 23-cü etap.
Vitaliy Zelinski, protoierey, nışannadı: «Biz dış işlerini ilerlettik, hep ölä dä klisenin içindä mramorlan baalı işleri yaptık. Bundan kaarä bizim uşaklar için gagauz evceezini hazırlêêrız. Başladık taa bir yapıyı — o da olacek bizim uşaklara dersleri geçirmää. Onun örtüsünü da yaptık. 2025-ci yılda, bekim şılaklara etişecez. Büük soruş onda — kaplayacez mı biz finans uurunda bruşçatka koyulmasını — işlär lääzım başarılsınnar diil sade klisä içindä,ama dışanda da».
Bu buluşmaya geldilär erli üüretmäk kuruluşların başları, administraţiya azaları, nasaatçılar, halk topluşun deputatı hem kolhozun başı. Hepsi bu finans dokumenti için kendi seslerini verdilär. Kıpçak küüyün saalık merkezin başı Mihail Çavdar nışannadı,ani protoierey Vitaliy herzaman açık gösterer hepsi haberleri.
«Biz ne türlü göreriz, ne para biz vereriz, o paradan on kat zeedä iş çıkêr, buradan da biz çok şükür ederiz,ani bölä variantta işlär gider»,- Mihail Çavdar nışannadı.
«Pobeda» kolhozun başı Nikolay Dragan urguladı, ani klisedä işlär yapılêrlar kaliteli hem akıllı.
«Cok işlär olêr — 32 million ley( 16 yılda) — 150 million (leya işlär) — yok nicä başka türlü sölemää.Boba Vitaliy, nesoy yapêr bu paralarlan bölä yapıyı, o diil bir yıla, o 200-300 yıla, вырезать.. Çok saa olsunnar, ani yapêrlar.O diil kendinä, insana, küüyä»,- Dragan urguladı.
«Klisä düzülmesi — o bizim ilerlememiz, o bizim uşaklara deyni büük terbi etmäk meydanı, neredä kaavilederlär bizim ruhumuzu, bizim duygularımızı»,- Baranovskiy adına liţeyi uzmanı nışannadı.
Halk Topluşu deputatı Valeriy Manastırlı söledi,ani klisä terbi eder evlad boylarını hem herzaman insannarı birleştirer.
«Boba Vitaliy hem boba Födorun işindä bizdä yok bir dä şüpä,ani dooru götürmeerlär işini, onnar toplêȇrlar insanı. Saa olsunnar , saalık»,- Valeriy Manastırlı söledi.
Kıpçakta eni klisenin düzülmesi başladı 2009-cu yılda. Klisä izmetçileri hem hepsi insannar umutlanêrlar, ani yakın vakıtta klisä açacek kapularını hepsi gelennerä.
Moldovanın hem Gagauziyanın en mekalı haberleri GRTnın Telegram kanalında!