Kanon proektinä Moldova devletin kanon diişilmekleri poliţiya işinä bakannık komiteti kayıl olmadı. Onu yollandıraceklar Moldovanın iç işlerin ministerliinä.
Poliţiya için hem poliţiya statusu için kanon proekti yok nicä kabledilsin verilmiş danışmaya görä. Onu lääzım enidän işlettirmää haberledi Gagauziya Bakannık komitetin hem başkanın işleri bakanı İvan Kolioglo. O okudu kararı, angısına görä Moldova devletin iç işlerindä ministerlii teklif eder diiştirmää devletin poliţiya için işleyan kanonun 15-ci statyasını.
«Moldovada kurulȇr hem çalışȇr poliţiya bakannıı Poyraz, Merkez hem Üülen regional bölümneri üridik statusunnan. Üçüncü payı- Kişinov muniţipiyasında hem Gagauziyada kurulȇrlar hem çalışȇrlar teritorial poliţiya bölümneri üridik statusunnan»,- İvan Kolioglo haberledi.
Gagauziya Bakannık komiteti haberledi kendi diil kayıllıı için Moldova devletin poliţiya için kanonda diişmeklerinnän. Haberlendi, ani Gagauziyanın poliţiya bakannıında kurulȇrlar hem çalışȇrlar Komrat, Çadır, Valkaneş poliţiya inspektoratları, administrativ teritorial izmetleri alarak esaba insanın sayısını, hem soţial ekonomik obyektlerin sayısını. Ama kanonun eni redakţiyasında- bu diil belli, haberledi İvan Kolioglo: «Sayȇrız, ani lääzım Poyraz, merkez hem üülen regional bakannıklardan kaarä Gagauziya poliţiya bakannıına girsin ayırı Komrat, ÇadırŢ Valkaneş poliţiya inspektoratları hem izmetlär, angıları uyaceklar administrativ teritorial sayısına insananrın hem soţial ekonomik obyektlerin sayısına».
Reformaların geçirmesindä esaba alınmȇȇr Gagauziyanın ayırı hak statusu için kanonu nışannadı GHT deputatı Nikolay Ormanji: «Bu soruşlarda biz lääzım birleşelim da barabar koleglarlan Kişnovdan çalışalım. Biz lääzım kendi dooruluumuzu gösterleim, Gagauziyanın haklarını hem intereslerini koruyalım».
Kanon proekti yok nicä kabledilsin bölä redakţiyada. Bölä karar kabledildi Gagauziya Bakannık komitetin oturuşunda.
