LIVE

KASABAYI EŞİLLETMÄK İÇİN EKOLOGİYA AKŢİYASI 

Komrat kasabasının primariyası , erli kurumnar hem halklarası partnörlar  geçirdilär Komarta  «Yapalım kasabamızı  taa pak hem gözäl»  ekologiya akţiyasını. Onda pay aldılar kasaba şkolaların üürenicileri, volontörlar, angıları yardım ettilär paklamaa  Yalpug deresinin boyunu gübürlerdän hem  diktilär fidan.

Ekologiya akţiyasının süresindä, angısını geçirdi erli kivetlär volontörlarlan, diil sade pakladılar derenin  boyunu gübürdän, ama kireçledilär ilerdän dikilmiş fidannarı hem koydular eni. Uşaklar toplanılmış gübürlerdän yaptılar gözäl işleri, volontörlara annattılar  , nicä var nicä sıralamaa  gübürleri. Örnektä gösterdilär, ne yapȇrlar Moldovada plastiktän hem başka materiallardan. 

«Bana geler, ani önemni herbirinä annamaa, neredän alınȇr  gübürlär, ne onnarlan taa sora olȇr,  neçinki o gübürleri, angılarını sıbıdȇrız, o kötülük getirer   bizä kendimizä.  Erlem çekedärsäydik ondan,  olacez taa sigur gübürlerin sıbıtmasında, koruyacez kendimizi, bän sayȇrım, ani bu pek yardım edeceydi»,- volontör Gabriela İsaak nışannadı.

Ekologiya akţiyası geçirildi  Almaniya Halklararası baalantılar kuruluşun yardımınan. Nicä  urguladı onun başı Klaudia Hermez, insannar isteerlär kasabada ekologiya durumu diişsin.

«Biz burada işleeriz, ki kaavileştirmää erli infrastrukturayı, geçireriz türlü proektleri erli uurda, ki ilerlesinnär  okullar, uşak başçaları”. Büün biz göreriz çok genç olan, angıları nesä isteerlär diiştirmää kendi yaşamak erindä. Diiştirmää kendi kasabasını  taa ii uura»,- Klaudia Hermez urguladı.

Almaniyanın büük elçiliin   baalantı uurunda bölümün  başı  Verena Ţel  nışannadı bölä olayların  geçirmesinin önemniini hem gençlerin katılmasını bölä akţiyalara. 

«Biz üürederiz bizim gençleri  toplamaa gübürleri, hem hep ölä üürederiz onnarı taa  dikat olsunnar, ne sıbıdȇrlar  hem nereyi. Bu pek önemni genlerä deyni Gaguziyadan. Butakım biz soluu hem naturayı ta  pak yapȇrız»,- söledi Verena Ţel, Almaniya Büük elçilii  baalantılar bölümü başı.

Uşaklar büük havezlän topladılar gübürleri, diktilär fidancık hem üürendilär eni haberleri, nicä  paklıkta tutmaa yaşamak erlerini. Hep ölä kendi ellerinnän yaptılar toplanılmış gübürlerdän gözäl işleri. 

«İşlettirilmış materiallardan biz yapȇrız gözellii, bu taa çok  gübürlerdän, türlü çiçekleri. Bän sayȇrım, ani en önemni  pay almaa bunda, çünkü bu bizim kasabanın gelecää, da biz lääzım  koruyalım o eri, neredä  ileri dooru yaşayacez». 

«Bu pek önemni , zerä taa küçüktän lääzım üüretmää uşakları, ki paklıkta tutsunar kasabayı, da büüdüynän, unutmasınnar bunu».

«Topladık  gübürleri Yalpug yanında.  Halızdän burada oldu taa pak, ondan sora, nicä geldi çok insan. Düşünerim, ani bu yardım edecek ileri dooru,  ki Komrat olsun taa pak».

«Bu akţiyada biz diktik fidan, pakladık Yalpug dolayını, hepsini yaptık, nicä lääzım».

Akţiyanın çıkışına görä anmak baaşışlarını verdilär en aktiv uşaklara. Ama en önemni, nicä urguladılar hazırlayıcılar, bu uşakların  kefleri hem taa pak Komrat kasabası.

video
play-sharp-fill

Moldovanın hem Gagauziyanın en mekalı  haberleri GRTnın Telegram kanalında!

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь

Похожие новости

Подписаться на нас в соцсетях

Топ Читаемых

Выбор Редакции