Gagauz Erin gençlerinin arasında patriot duygularını ilerletmää deyni avtonomiyada sergi geçiriler. Ȇkspoziţiyaylan artık birkaç okulun üürenicileri tanıştılar. Bü gün, oktäbrinin 10-da, bölä kolaylık oldu KDU studentlerindä dä.
KDU geçän sergi annadȇr karılar kahramannıı için, gösterer onnarın girginniini cenk yıllarında.
«Bizim neetimiz — göstermää karıların süretini cenk zamanında. Biz isteeriz annatmaa gençlerä onnarın girginii için. Bileriz, ani karılar, addamnar gibi usluluk için güreştilär»,-nışannadı serginin kurucusu Aleksey Petroviç.
Gagauz Erin Başkanı Evgeniya Guţul söledi, ani bu sergi gençleri haliz patriot olmaa üüredecek.
«Biz lääzım bilelim bizim istoriyamızı. Biz lääzım bizim istoriyamızı kendi uşaklarımıza annadalım. + Biz isteeriz, ki bizim Moldovamız yaşasın uslulukta, herbir insanın arasında annaşmak olsun»,- çizgiledi başkan.
GHT spikeri D.Konstantiniv çizgiledi, ani avtonomiyanın kuvetleri isteerlär, ki dolayda usluluk hem raatlık olsun. Bu üzerä gençlär geridä kalan olaylar için bilsinnär lääzım hem dä cenk yılların kahramannarını akıllarında tutsunnar.
«Biz lääzım yapalım ölä, ki bizim gençlerimiz, bizim uşaklarımız unutmasınnar, ani oldu cenk»,- söledi GHT başı Dmitriy Konstantinov.
İstoriyamızı koruyalım lääzım, çizgiledi serginin kurucusu A.Petroviç.
«Üüreneräk eni bilgileri cenk için, gençlär taa islää istoriyamızı annamaa başlȇȇrlar. Annadarkana onnara bu karılar için biz kimilerin gözlerindä yaşları gördük»,- ekledi Aleksey Petroviç.
KDU studentleri dalgalandılar, açan onnara annadardılar kahraman karılar için.
«Dalgalandım. Raat yaşamamızı istämeerim kaybedelim. Ko cenk hiç olmasın. Dünnedä usluluk olsun»,- sayȇr KDU studenti.
Bu proekt avtonomiyanın hepsi okullarını kaplayacȇk. 8-12 klaslar arası üürenicilär cenk edän karıların kahramannıı için eni bilgileri üürenäbileceklär.
Avtor: V. Çoban, operator: A. Glekov, montaj: İ. Rezuneţ