Etuliya küüyündä Kahul deresini paklamaa başladılar. O yılların süresindä gübürlendi hem dibi bataklan doldu. Bu beterä su pek zor gider. Yaamurlar yaayarkana, küüyün aşaakı tarafında bulunan evlär suylan dölȇrlar. Proektin çalıştırılmasını Gagauziya Başkanı gözletti.
Etuliya küüyün primarı Natalya Popova belli etti, ani Kahul deresinin gübürdän hem bataktan paklanması yaşaynnara deyni önemli, çünkü bu yardım edecek kurtarmaa evleri, ki büük sular onnara zarar fetirmesinnär. İşlär çekettilär.
«Herbir yaamurda küüyün aşaadakı erindä erleştirili evlär sudan zararlanȇrlar. Ekologiya fondundan proekti taradık. Düzmäk kurumu işleri derenin temizlemesindä çekettirdi. Plannarda problemayı çözmää, ki insan zeedä var olan problemaylan karşılaşmasın»,- dedi primar.
Valkaneş dolayın administraţiyasının haberlerinä görä, proektin geliştirilmesinä Bakannık komiteti region bücetindän 1 milion 482 bin ley verdi.
