Gagauziyada sayıya koyulȇrlar kanona karşı gitmeklär. Dolay iş inspekţiyası başı Komur İvan haberledi, ani en sık olaylar baalı onunnan, ani sayıya koyulmȇȇr iş hem dinnenmäk vakıdı, bütündän verilmeer kazanç parası.
Gagauziyada bıldır belli oldu yakın 2,5 bin iş annaşmaklarında kanonuna karşı gitmeklär. Onnarı belli etmää deyni inspektorlar geçirdilär 125 bakılmak. Onnar geçtilär, nicä plana görä, ölä da operativ, haberledi Dolay iş inspekţiyası başı İvan Komur. İş verän, öncä nicä individual iş annaşmasını yapacek işçiylän, lääzım onu tanıştırsın işin koşularınnan, çizgiledi uzman.
«Eеr biz sölärsäydik iş baalantıları için, ozaman taa sık — bu diil dolu, yada iş kanonuna karşı baalantılar. Bu söleer onu, ani diil belli, nesoy kazanç parasını kabledeceklär hem da başka ödemeklerdä»,- haberledi Dolay iş inspekţiyası başı İvan Komur.
Kanona karşı gitmeklär ilişerlär işin korumasına hem da korkunçusuzluuna iş erindä, çizgiledi Dolay iş inspekţiyası başı İvan Komur: «Eеr sölärsäydik saalıın koruması için hem işin korkunçuzluu için, ozaman kanona karşı gitmeklär ilişerlär risklerin diil dooru notalanmasına. Verilmeerlär korunmak tertipleri, işçilär çalışȇrlar her yıl bakılmadık mediţina uurunda».
Pek sık karşı gelerlär iş hem dinnenmäk rejimnerindä kanona karşı gitmeklärlän, esaba alınmȇȇrlar iş vakıdı, kazanç parasının verilmemesi, yada o veriler diil bütünnä.
Moldovanın hem Gagauziyanın en mekalı haberleri GRTnın Telegram kanalında!