Baba Marta ayın 8 — nä karşı biz annadȇrız karılar için, angıları kendi becermeklerinnän ihlam verelär başkalarına. Her gün — eni istoriya o insannar için, angıları bu dünyayı yapȇrlar taa islä.
İrina Bratan için Çadır — Lungadan karı olmaa deyni — bu laf söyler onu, ani lääzım koruma adetleri, terbietmää uşakları hem da yapmaa bişey gözäl. Başlankı klasların üüredicisi, «Yılın en ii üüredicisi» konkursun enseycisi, dört uşan anası — o etiştirer hepsini, var nasıl sölemää, ani taa zeedä etiştirer yapma.
«Bizim misiyamıs bu erdä pek önemli. Biz dünnäya getireriz eni evlat boylarını, hem da ehlam ederiz bizim adamnarı ney sä yapsınnar. Büün pek islä bir gün bu konu için»,- İrina Bratan söledi.
İştän karä, o buldu neylän haylak vakıdını geçirsin — kendi kızı için Arina için kurer deyni videoklipları, angısı zanatlanȇr vokallan.
«Bu benim sevän işim, açän kafamda nesoy sa ideya peydalanȇr, taşȇrım onu. Var nasıl geçä kalkayım yazayım deyni bişey, ki aklımda kalsın. Bu benim içimdä yaşȇr. Bän bilmerim, nicä bu iş olȇr, o kendisi geler, bän kuvet buna harcamȇrım»,- nışannadı İrina.
Hesaplı, ama büük üüreklän , İrina Bratan kalȇr örnek gibi ona, nasıl sevgi aylenä hem da zanaatına var nasıl yapsın şaşılacak işleri. Kocası, şaka söler ona Fellini, kızısına sa — Baş muza hem ehlam.
«Karı lääzım kalsın, nicä deerlär, koruyucu, lääzım korusun hepsini. İlk, lääzım ayledä korusun o çeketmeyı, angısı ona adalı. Da dil önemli, onda kız mı, yada çocuk mu, angıları bizdä var, o lääzım onnara bu kökleri versin, angıları bizdä var, ki onnar unutmasınlar, nicä deniler, angı tokaktan çıktı, unutmasınlar deyni, kim o»,- çizgiledi.
Bakmadan her günkü evdeki işlerä, İrina Bratan bülȇr vakıt yaratıcılık için, angısı onun yaşamasını yapȇr taa açik, ailesini sa -taa yakın biri — birinä.
Moldovanın hem Gagauziyanın en mekalı haberleri GRTnın Telegram kanalında!